ایٹماسپیئر ءِ رکھینگ حکومت ءِ اولی کار آنی تہ ءَ ھوار انت، کشت ءُ کشاری گامگیج  آنی تہ ءَ ٹائیگر فورس، نودربر ، سوسائٹی ءُ سرکاری   ءُ ایندگر گیر سرکاری محکمہ آنی تہ ءَ  گیشاں چہ گیش ھوار بوھگ ءَ دل یکیمی جوڑ بکن انت، مزن وزیر عمران خان  ءِ  بہار گاہ ءِ موسم ءَ  کشت ءُ کشار ءِ ھوالگ ءَ دیوان ءَ گوں گشتانک

اسلام آباد۔12جولائی  (اے پی پی): مزن وزیر عمران خان ءَ گوشت کہ ایٹماسپیئر ءِ رکھینگ حکومت ءِ اولی کار آنی تہ ءَ ھوار انت، کشت ءُ کشاری گامگیج  آنی تہ ءَ ٹائیگر فورس، نودربر ، سوسائٹی ءُ سرکاری  ءُ ایندگر سرکاری محکمہ آنی تہ ءَ  شریک بوھگ ءَ دل یکیمی جوڑ کنگ بہ بیت۔ اے ھیالانی درشانی آئی ءَ دو شمبے ءَ  بہارگاہ ءِ موسم ءَ کشت ءُ کشار ءِ ھوالگ ءَ  برجم داشتگیں دیوان ءِ سروکی ءَ کنان ءَ کت۔ دیوان ءَ ھاسیں کمکار برائے ایٹماسپیئر ءِ مٹ ءُ بدلی ملک امین اسلم شریک ات وھدیکہ سر وزیر  پنجاپ سردار عثمان بزدار ، صوبائی وزیر برائے جنگلات پنجاپ محمد سبطین خان، ھاسیں کمکار  برائے سر وزیر   ڈاکٹر فردوس عاشق اعوان، چیف  سیکرٹری پنجاپ جواد رفیق ملک  ءُ ایندگر اپسرگ آں ویڈیو لنک ءِ وسیلگ ءَ  بھر زوری کت۔ اے موہ ءِ سر ءَ  وزیر ءِ مملکت برائے اھوالکاری ءُ  شنگ کاری فرخ حبیب ھم دیوان ءَ ساڑی ات۔ بہارگاہ ءِ موسم ءَ کشت ءُ کشار ءِ ھوالگ ءَ مزن وزیر ءَ را صوبگ  ءِ پنجاپ ءِ   گیشینتگیں سیم سر  ءُ گامگیج آنی بابت ءَ بریفنگ دیگ بوت۔ دیوان ءَ را گوشگ بوت کہ اسیتیں بہارگاہ ءِ موسم ءِ کشت ءُ کشار ءَ صوبہ پنجاب  سروکی کرد ءَ پیلو کنت۔  دیوان ءَ را گوشگ بوت کہ گوستگیں دور ءِ حکومت ءَ سال 2016 بگر تاں 2018 ءَ ایوک ءَ یک کروڑ درچک  ءُ نہال کشگ بوت بلے  استیں حکومت ءَ انوگ ءَ تاں کروڑانی  درچک ءُ پُل  ءُ نہال کشگ بوتگ۔