کراچی۔12جولائی (اے پی پی):صدرمملکت ڈاکٹر عارف علوی ءَ گوشت کہ نوکیں دگنیا ءَ گوں وتارا ھمگام کنگ ءِ واستہ ضلوری انت کہ وھد ءِ لوٹ آناں پیلو کنگ بہ بیت، ایشی ءِ ضلورت ءُ ترندی ءَ گوں مٹ بوھوکیں ٹیکنالوجی ءَ را وتی کنگ بہ بیت۔ اے ھیالانی درشانی آئی ءَ دو شمبے ءَ ادا ھندی ہوٹل ءَ آپٹیکل فائبر کیبل چیرگیجگ ءِ منصوبگ آنی سر ءَ دست چنگلی مراگش ءَ ھاسیں مہمان ءِ بستار ءَ گشتانک دیان ءَ کت۔ بنجاھی وزارت ءِ انفارمیشن ٹیلی کمیونیکیشن ءِ چیر دستی ءَ سنھد ءِ 3 ضلع آں ھوار بے نظیر آبات، خیبر پور ءُ نوشہروفیروز ءَ آپٹیکل فائبر کیبل چیرگیجگ ءِ منصوبگ بنگیج کنگ بوتگ۔ منصوبگ ءِ سر ءَ ھواریں رنگ ءَ 2 ارب 10 کروڑ کلدار ھرچ ءُ درچ کیت۔ صدر ءِ مملکت ءَ گوشت کہ مزن وزیر ءِ ڈیجیٹل پاکستان وژن ءِ مول ءُ مراد پاکستان ءَ را ٹیکنالوجی ءِ اے تگ ءُ تاچ ءَ ھوار کنگ انت، اے مول ءُ مراد ءِ واستہ وزارت انفارمیشن ٹیکنالوجی ٹیلی کمنیونیکیشن ءِ کرد دروری انت اے سکیں ٹاسک ءَ را سرجم کنگ ءِ واستہ وتی توامیں کوشست ءُ آسراتی آناں کارمرد کنگ ءَ انت۔ صدر ءِ مملکت ءَ بنجاھی وزیر سید امین الحق ءَ را مبارک بات دیان ءَ گوشت کہ ایشی ءِ اندر ءَ اچ شک نیست کہ آئی ٹی ھما شوبگ انت کہ ایش ملک ءَ روزگر ءِ لکھانی موہ پیداک کنگ ءِ گوما معیشت ءَ را برجا کنگ ءَ جوانیں کرد پیلو کت کنت ءُ وزات ءِ آئی ٹی ءِ انوگ ءَ تاں کار کرد دل یکیمی انت بلے مارا باز دیما جنزگی انت۔
