اسلام آباد۔ 12جولائی (اے پی پی) امیر کویت صدر مملکت ڈاکٹر عارف علوی نا دورہ پاکستان نا سلہ ءِ امنا کرے۔ ایوان صدر نا میڈیا ونگ آن جاری بیان نا رداٹ صدر مملکت ڈاکٹر عارف علوی نا پن امیر کویت شیخ نواف الاحمد الصباح ورندی مراسلہ ٹی پارینے کہ او آخبت خڑک اٹ دورہ پاکستان ءِ عملی دروشم اس تننگ کن پراومیت ءِ۔ صدر مملکت تینا چھٹی ٹی امیر کویت ءِ دورہ پاکستان نا سلہ خلکوسس۔ امیر کویت چھٹی ٹی ہڑتوم آ ملک آتا نیام اٹ سوگو تعلقداری آ است جمی نا درشانی ءِ کرے و تین پہ تینی فائدہ غاتے کن غٹ بشخ آتے ٹی تعلقداری تے پین ودفنگ نا عزم انا درشانی ءِ کرینے۔ امیر کویت مسلم امہ نا ویل خاص وڑاٹ فلسطین نا ویل آ کویت نا کڑد انا ستاءِ کننگ آ پاکستان نا منت واری ءِ ہرفسا اومیت ظاہر کرے کہ کورونا دین انا جہانی دین آن دنیا ءِ زوت خلاسی دوئی مریک۔
