اسلام آباد۔ 12جولائی (اے پی پی) بنجائی وزیر توانائی حماد اظہر پارینے کہ ملک انا توانائی نا گرج آتے پورو کننگ کن ہندی تیل وگیس انا ایکسپلوریشن نا گرج ءِ، اوجی ڈی سی ایل نا ہندی تیل وگیس انا پٹنگ و خننگ اٹ اہم ءُ کڑد اسے۔ داخیال آتا درشانی ءِ او دوشنبے نادے آ اوجی ڈی سی ایل ہیڈکوارٹرز نا دورہ نا وخت آ کرے۔ بنجائی وزیر پارے کہ ملک انا توانائی نا گرج آتے پورو کننگ کن ہندی تیل و گیس انا ایکسپلوریشن نا گرج ءِ۔ ملک انا تیل و گیس انا پیدوار ءِ ودفنگ کن حکومت پوسکن ءُ پالیسی اتنگ ءِ۔ اوپارے کہ حکومت نا کوشست ءِ کہ ملک اٹی بھلو کچ اسے آ تیل و گیس انا ایکسپلوریشن بناکے۔ اوجی ڈی سی ایل نا ہندی تیل و گیس انا پٹنگ و خننگ اٹ اہم ءُ کڑد اسے۔ حماد اظہر پارے کہ اوجی ڈی سی ایل ءِ پوسکن آ خواست آتا رداٹ پوسکن آ ٹیکنالوجیءِ کاریم اٹ اتوئی مریک۔ ملک اٹ تیل و گیس انا بھلوکوڑی ساڑی ءِ ہرافتا پٹنگ کن انٹرنیشنل کمپنی تے آسراتی تننگک۔ دورہ نا وخت آ بنجائی وزیر ءِ ایم ڈی و چیئرمین بورڈ اوجی ڈی سی ایل نا کنڈآن سرجم حوال تننگا۔
