اسلام آباد۔ 12جولائی (اے پی پی) بنجائی وزیر توانائی حماد اظہر تون ایرانی سفیر محمد علی حسینی اوڑدہی کرے۔ وزارت توانائی آن جاری بیان نا رداٹ اوڑدہی ٹی ہڑتوم آ ملک آتا توانائی نا بشخ آتا بابت باندات آ گپ وتران کننگا۔ اوڑدہی ٹی پاکستان و ایران نا نیام اٹ توانائی نا بشخ اٹی ہڑتوم آ کنڈآتا کمکاری ءِ مون آ دننگ آ امنا کننگا۔ داوخت آ ایرانی سفیر پارے کہ ایران پاکستان ءِ پین بجلی فراوان کننگ کن تیار ءِ۔ بجلی نا فراوانی نا چرجوئی ٹی انفراسٹرکچر اس تفنگانے۔ اوپارے کہ ودکی بجلی نا فراوانی ڈٹ آتا زوت بناءِ کننگ کن تعلقدار ادارہ غاتے ٹی خڑکی رابطہ غاتا گرج ءِ۔ حماد اظہر ایران نا کنڈآن بلوچستان نا گڑاس بشخ آتے بجلی فراوانی نا اہمیت ءِ تالان کرے۔

متعلقہ مضامینمصنف کی طرف سے مزید