اسلام آباد۔ 12جولائی (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری ئسک ہڑدے ئی اذکار نا چیف ایڈیٹر الماس عباسی نا ایلم نا کزیت آ ہڑزخواہی نا درشانی ءِ کرینو۔ اسپیکر و ڈپٹی اسپیکر الماس عباسی نا پن آ تینا جتا جتا ہڑزخواہی کلہوآتے ٹی اونا ایلم نا کزیت آ ڈکھ و است ہسونی نا درشانی ءِ کرسا ایماندار نا کزیت ءِ اونا خاہوت کن بھلو صدمہ و ناقابل تلافی نسخان اس گوندانو۔ اسپیکر و ڈپٹی اسپیکر اللہ تعالیٰ آن ایماندار نا درجہ غاتا بڑزی و پدسلوک آ خاہوت ءِ داناقابل تلافی نسخان ءِ سگنگ کن صبروجمیل عطاکننگ کن دعاہم کریر۔
