اسلام آباد۔11جولائی (اے پی پی): مزن وزیر ءِ ھاسیں کمکار برائے ورنا آئی کار عثمان ڈاسر ءَ گوشت کہ حکومت ءِ ٹیکس ریونیو ءَ گیشی ءِ واستہ جتائیں گامگیج آنی جوانیں برورد دیم ءَ سہرا بوھگ ءَ انت، زالبولیں ٹیکس پیئرز ھم ملکی ھزانگ ءَ بازیں زر جم کنائینوک بوتگ انت، سیالکوٹ ءَ یک رند ءِ پدا دیمروئی منصوبگ درستاں چہ گیش ٹیکس دیواکیں زالبولیں شہری آنی نام بوتگ، کلین گرین گامگیج ءِ چیر دستی ءَ شہرر ءَ 1 کروڑ 54 لکھ کلدار ءِ کساس ءَ جوڑٰں دومی پارک ءِ بنگیج کنگ بوتگ، پارک ءِ بنگیج شہر ءِ درستاں چہ گیش ٹیکس دیوکیں زالبول مریم نعمان ءَ کت، زالبولیں ٹیکس پیئرز ءِ شرپ ءَ دیوان ءِ برجم دارگ بوت ، ایشی ءِ اندر ءَ عثمان ڈار ھم شریک ات، منصوبگ ءِ سر ءَ عثمان ڈار ءِ مٹ ءَ زالبولیں ٹیکس پیئر مریم نعمان ءِ نام نبشتگ ات۔ مراگش ءَ گوں گشتانک دیان ء۔ مزن وزیر ءِ ھاسیں کمکار برائے ورنا آںی کار عثمان ڈار ءَ گوشت کہ گامگیج ءِ نتیجگ ءَ زالبولیں شہری آنی اندر ءَ ٹیکس دیگ ءِ ھوالگ ءَ دلگوشی گیش بوتگ۔ آئی ءَ گوشت کہ من چہ دل ءَ شات ءُ گل آں کہ دیمروئی منصوبگ آنی بنگیج دلیریں زالبول ڈاکٹر مریم نعمان ءَ کتگ، سیلاکوٹ ءِ زالبول مک سال حکومتی ھزانگ ءَ 10 ارب کلدار ءِ ٹیکس دینت۔
