اسلام آباد۔11جولائی (اے پی پی):چیف الیکشن کمشنر سکندر سلطان راجہ ءَ الیکشن کمیشن آزات کشمیر ءَ را دل یکیمی کنائینتگ کہ کانود ءِ رد ءَ الیکشن کمیشن آزات کشمیر ءَ لس گچین کاری ءَ را ساپ ءُ سلہ ئی ءَ برجائی ءِ واستہ سرجمیں کمک پجاری کنت انت۔ پی آئی ڈی آزات کشمیر ءَ چہ جاڑی بوتگیں بیان ءِ رد ءَ آزات جموں کشمیر الیکشن کمیشن ءِ باسک راجہ فاروق نیاز ءُ فرحت علی میر ءَ چی فالیکشن کمشنر پاکستان سکندر سلطان راجہ ءَ گوں گند ءُ نند کت۔ گند ءُ نند ءِ ساھت ءَ وت مہ وتی واھگی کار آںی سر ءَ ھیال ریچی کنگ بوت۔ آزات جموں کشمیر الیکشن کمیشن ءِ باسک ءَ چیف الیکشن کمشنر پاکستان ءَ را پولنگ ءِ روچ ءَ مظفر آبات ءِ تر ءُ تاب ءِ دعوت دات ایشرا آئی ءَ قبول کت ۔ چیف الیکشن کمشنر پاکستان سکندر سلطان راجہ 25 جولائی ءَ وتی تر ءُ تاب ءِ سابت ءَ بازیں پولنگ سٹیشنز آں روت ءُ پولنگ ءِ کار ءِ چار ءُ تپاسی ءَ کنت۔ آئی ءَ آزات جموں کشمیر کانود جوڑ کنوکیں اسمبلی ءَ مہاجرین جموں کشمیر ءَ نندوکیں پاکستان ءِ 12 دمگ آںی گچین کاری لڑ آنی تیاری ءِ رد ءَ الیکشن کمیشن آف پاکستان ءِ کمک ءِ شگر ءُ منت گپت۔
