اسلام آباد۔10جولائی (اے پی پی):چیئرمین سی پیک اتھارٹی لیفٹیننٹ جنرل (ر) عاصم سلیم باجوہ ءَ گوشت کہ سی پیک ءِ جے سی سی ءِ 10 دھمی دیوان آدینگ 16 جولائی 2021 ءَ بیت۔ شمبے ءَ وتی ٹویٹ ءَ آئی ءَ گوشت کہ جوائنٹ کوآپریشن کمیٹی (جے سی سی) ءِ دیوان وڈیو لنک ءِ وسیلگ ءَ برجم دارگ بیت۔ ایشی ءِ سروکی ءَ بنجاھی وزیر منصوبگ بندی، دیمروئی ءُ ھاسیں گامگیج اسد عمر ءُ این ڈی آر سی ءِ وائس چیئرمین ننگ ژی کن انت۔ آئی ءَ گوشت کہ جے سی سی (سی پیک) ءِ ھوالگ ءَ پیسلہ کنگ ءِ یک مزن تکی فورم ات ایشی ءَ چہ سی پیک ءِ جاڑیگیں منصوبگ آنی دیمروئی کار آںی چار ءُ بچار ءِ گوما آیوکیں باندات ءِ منصوبگ آنی ھوالگ ءَ پیسلہ ھم کنگ بیت۔
