فیصل آباد۔10جولائی (اے پی پی): وزیر ءِ مملکت اھوالکاری ءُ شنگ کاری فرخ حبیب ءَ چلڈرن ہسپتال فیصل آباد ءَ نوکیں آسراتی ءُ ڈائیلیسز مشین ءِ آسراتی والا این سلمیٰ شریف کڈنی کیئر وارڈ ءِ بنگیج کت۔ پنچ بیڈ آنی وارڈ ءَ سلمیٰ شریف فائونڈیشن ءِ نیمگ ءَ لکھانی کلدار ءِ کساس ءِ 2 نوکٰں ڈائیلیسز مشین آناں داد کنگ ءَ پد ادا مشین آنی کلی کساس 5 بیت انت۔ بنگیجی مراگش ءَ گوں گشتانک دیان ءَ فرخ حبیب ءَ گوشت کہ ضلع دفیصل آباد ءَ ابید ایندگر ضلع آں چہ جتا جتائیں نادُراھی ءِ آماچیں زھگ آنی علاج ءِ رد ءَ مردم ادا کاینت۔ آئی ءَ گوشت کہ ایشی ءَ چہ پیسر 3 مشیر ادا بوتگ نوں 2 نوکیں مشیر آنی گیشی ءَ چہ نوں ھمک روچ 10 زھگ آنی ڈائیلیسز بوت کنت۔ آئی ءَ گوشت کہ حکومت پنجاپ ءَ استیں بجٹ ءَ جان سلامتی ءِ واستہ 60 ارب ایر کتگ ءُ دسمبر 2021 ءَ تاں پنجاپ ءِ توامیں شہر آناں ہیلتھ کارڈ دیگ بیت۔
