ملتان۔10جولائی (اے پی پی): وزیر ءِ درئی کار مخدوم شاہ محمود قریشی ءَ گوشت کہ بلاول کشمیر ءِ ھوالگ ءَ چہ ہندوستان ءِ زبان ءَ گپ مہ جنت بلکینگ ءَ پاکستان ءِ سیت ءَ بچار ایت، بلاول چُکی گپ جنت کہ کشمیر ءِ سودا جنگ ءَ نئیلاں، آئی ءَ چہ جست گراں کہ کشمیر ءِ سودا ءَ کئے جنگ ءَ انت، کشمیری آنی سودا جنگ ءِ گپ جنوک بلاول ءُ آئی ءِ پت ءِ جیگ ءَ بچار ات، بلاول کلبھوشن ءَ را این آر او دینگ ءِ گپ ءَ کنت۔ حکومت کلبھوشن ءَ را این آر او دیگ ءَ نہ انت بلکینگ ءَ میاں اوستمانی آمید گس ءِ حکم آنی پد ءُ رندی ءَ کنگ ءَ انت۔ اے ھیالانی درشانی آئی ءَ شمبے ءِ روچ ءَ ڈپٹی کمشنر کارگس ملتان ءَ ڈسٹرکٹ ڈویلپمنٹ کمیٹی ءِ دیوان ءَ چہ پد پریس کانفرنس ءَ گوں گشتانک دیان ءَ کت۔
