راولپنڈی۔10جولائی (اے پی پی):پاک فوج ءِ شوبگ آئی ایس پی آر ءِ ڈائریکٹر جنرل، میجر بابر افتخار ءَ گوشت کہ پاکستان ءَ گوں پچیں نیت ءَ اوگان ایمنی کار ءَ را دیم ءَ جنزینگ ءِ کوشست کتگ، ایمنی کار ءَ را دیمروئی دیگ ءَ پاکستان ءِ کرد کلیتی بوتگ، اوگانستان ءَ چتور دیم ءَ جنزگی انت اے پیسلہ آھودے الس آناں کنگی انت، اوگانستان ءِ پریک آناں یکجائی ءَ نندو ءَ جیڈھ ءِ گیواری در گیجگی انت، پاکستنا ایمنی کار ءَ آسراتی پجاری کنوک ءِ کرد ءَ پیلو کنت انت، اوگان بارڈر ءِ سر ءَ 90 درسد ءَ تاں باڑ جتگ، وتی سرڈگار ءَ را اچ کس ءِ ھلاپ ءَ کارمرد بوھگ ءَ نئیلاں، پاک اوگان سیم سر آنی سر ءَ ھمک رنگیں جاور ھال آناں گر ءُ دار کنان اے ھوالگ ءَ امیت انت۔ شمبے روچ ءَ جندی ٹی وی چینل ءَ گوں یک گلگدارے ءِ ساھت ءَ تران کنان ءَ آئی ءَ گوشت کہ اوگان ایمنی کار ءِ بازیں بھر انت، ءُ اے گپ دماگ ءَ ایر کنگ لوٹ ایت کہ پاکستان اوگان ایمنی کار ءَ آسراتی دیوک آں ایشی ءِ زامن نہ آں، آئی ءَ گوشت کہ اوگان جیڈھ ءِ ایمنی ءَ گوں گیواری ءُ وتی آیوکیں باندات ءِ واستہ اوگان الس ءَ را پیسلہ کنگی انت کہ آ کجام وڑ ءِ آیوکیں باندات ءِ واھشت ایگ باں، میجر جنرل بابر افتخار ءَ گوشت کہ اے وھد ءَ ایمنی کار یک ارزشتی ایں فیزے ءِ تہ ءَ انت۔ پاکستان ءَ مُدام اوگان الس ءُ سروک آنی ھمبراھ داری ءَ اوگان جیڈھ ءِ گیواری ءِ واستہ پکوئیں کوشست کتگ انت۔ ڈی جی آئی ایس پی آر ءَ گوشت کہ بھارت ءِ نیمگ ءَ جتا جتائیں نمونگ ءِ پروپیگنڈہ آں ابید ایشی ءِ سر ءَ اچ کس دلگوشی نہ دیگ ءَ انت۔
