اسلام آباد۔ 09جولائی (اے پی پی) تدوک آ بیست ءُ چار گھنٹہ ٹی کورونا دین انا سوب آن سندھ آن پد پنجاب اٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 25مرک مس ہرافتیان 16مرک وینٹی لیٹرآتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24گھنٹہ ٹی مچ آ ملک اٹی 1ہزار 737بندغ آتا کورونا دین انا ٹیسٹ مثبت بس۔ ملک انا 4بھلا شار تے ٹی وینٹی لیٹر آتیا کورونا دین انا ناجوڑ آتا کچ انا لحاظ اٹ ملتان اٹی 14 درسد، بہاولپور اٹی 12درسد، لاہور اٹی 18 درسد و اسلام آباد اٹی 14درسد ناجوڑ ءُ۔ ہنداوڑاٹ ملک انا چار بھلا شار تے ٹی آکسیجن نا آسراتی والا کٹ آتیا کورونا نا مثبت کیس آتا کچ انا لحاظ اٹ سکردو ٹی 67 درسد، ملتان اٹی 17درسد، راولپنڈی ٹی 20 درسد و گلگت اٹی 36 درسد ناجوڑءُ۔ تدوک آ 24گھنٹہ ٹی کورونا دین انا 47ہزار 528ٹیسٹ کننگا ہرافتیان سندھ اٹی 16ہزار 102، پنجاب اٹی 17ہزار 196، خیبرپختونخوا ٹی 9ہزار 547، اسلام آباد اٹی 1ہزار 978، بلوچستان اٹی 1ہزار 397، گلگت بلتستان اٹی 475، آزاد کشمیر اٹی 883ٹیسٹ اوار ءِ۔ داتم اسکان مچ آ ملک اٹی کورونا دین آن دراخ جوڑ مروک آتا کچ 9لکھ 11ہزار 383مسنے۔ بلوچستان آزاد کشمیر و گلگت بلتستان اٹی کورونا دین انا اسہ ناجوڑ اس ہم داوخت آوینٹی لیٹرآتیا اف وخت اس کہ مچ آ ملک اٹی کورونا دین انا ناجوڑ آتے کن جتا وینٹی لیٹرآتیا 210ناجوڑ ءُ۔ مچ آ ملک اٹی کورونا دین انا ایکٹیو کیس آتا کچ 35ہزار 573ءِ۔ مچ آ ملک اٹی کورونا دین آن زہمی بندغ آتا کچ 9لکھ 69ہزار 476ءِ ہرافتیان آزاد کشمیر اٹی 20ہزار 811، بلوچستان اٹی 27ہزار 781، گلگت بلتستان اٹی 6ہزار 700اسلام آباد اٹی 83ہزار 400، خیبرپختونخوا ٹی 1لکھ 39ہزار 8، پنجاب اٹی 3لکھ 47ہزار 553و سندھ اٹی 3لکھ 44ہزار 223ناجوڑ ءُ۔ مچ آ ملک اٹی کورونا دین آن زوال کروک آتا کچ 22ہزار 520مسنے۔ ہرافتیان سندھ اٹی 5ہزار 556مرک وخت اس کہ تدوک آ بیست ءُ چار گھنٹہ ٹی 13ناجوڑ ہسپتال آتے ٹی وخت اس کہ اسہ ناجوڑا س اُراٹی قرنطینہ ٹی دادین آن زوال کرے۔ پنجاب اٹی 10ہزار 805مرک وخت اس کہ تدوک آ بیست ءُ چار گھنٹہ ٹی 7ناجوڑ ہسپتال آتے ٹی دادین آن زوال کریر، خیبرپختونخوا ٹی 4ہزار 348مرک وخت اس کہ تدوک آ بیست ءُ چار گھنٹہ ٹی 2ناجوڑ ہسپتال آتے ٹی دادین آن زوال کریر۔ اسلام آباد اٹی کل 782مرک وخت اس کہ تدوک آ بیستءُ چار گھنٹہ ٹی اسہ ناجوڑ اس ہسپتال اٹی دادین آن زوال کرے۔ بلوچستان اٹی کل 317مرک، گلگت بلتستان اٹی 111 مرک، آزاد کشمیر اٹی دادین آن 591مرک مسنے وخت ا س کہ تدوک آ بیست ءُ چار گھنٹہ ٹی 1ناجوڑ اس ہسپتال اٹی دادین آن زوال کرے۔ داتم اسکان مچ آ ملک اٹی کورونا دین انا 1کروڑ 49لکھ 60ہزار 221ٹیسٹ کننگانے۔ مچ آ ملک اٹی کوویڈ۔ 19نا درمان کن جتا 639ہسپتال آتے ٹی 2ہزار 224ناجوڑ درمان مننگ ءُ۔
