اسلام آباد۔ 09جولائی (اے پی پی) قومی اسمبلی نا اسپیکر اسد قیصر پارینے کہ پارلیمنٹ اسہ کانود اس ہم قرآن و سنت آن چپ جوڑ کپک۔ جمعہ نادے آ قومی اسمبلی ٹی مولانا عبدالاکبر چترالی نا اعتراضی ٹک آ اسپیکر قومی اسمبلی پارے کہ دوشنبے نادے آ کانودی چاہندارآتا میٹنگ اس بٹنگ انگانے ہراکانود جوڑ کننگ نا بابت تینا سلاہ ءِ ایتک۔ اوپارے کہ اسہ کانود اس ہم قرآن و سنت آن چپ جوڑ کپنہ۔ دابارواٹ وزیراعظم عمران خان ہم پارت جاری کرینے۔ داکان مست عبدالاکبر چترالی اعتراضی ٹک آ پارے کہ اسلام آباد اٹی بزرگ شاری تا حق انا رکھ انا وڑاٹ اوہم اسہ بل اس ایوان اٹ پیش کرے ہراسینیٹ آن منظور مرسا بسنے۔ داڑآ علی محمد خان سلاہ تسوسس کہ اگہ بل اٹ جوان ءُ گڑامریک تو اودے اوار کینہ۔ اوبل ءِ ہم قائمہ کمیٹی انسانی حق آ گدریفنگے۔
