اسلام آباد۔ 09جولائی (اے پی پی) وزیر مملکت حوالکاری و شینکاری فرخ حبیب پارینے کہ لیڈر ہمومریک ہرا اولیکو گام ءِ تینا تینٹ ہرفک، 3سال اٹی عمران خان کفایت شعاری مہم اٹی اسہ ارب 10کروڑ بچت کرے، ہراچیلنج آتے ٹی پاکستان رسینگاسس اوفتیان پاکستان ءِ کشانن، داسہ نن ٹیک آف نا پوزیشن اٹی اُن، ننا زرگزران سوگو ءِ و نن درآمد آتے کم کننگ آ چکار کننگ اُن۔ او جمعہ نادے آ داڑے نیشنل یوتھ کونسل آن تران کریکہ۔ وزیراعظم نا خصوصی کمکار امور نوجوانان عثمان ڈار ہم ساڑی ئس۔ وزیر مملکت فرخ حبیب پارے کہ عمران خان زمان پارک آن پیش تمسا کرکٹ نا میدان اٹ بریک، خواری نا کمک اٹ گچین ءُ کیپٹن اس جوڑ مریک۔ تینا لائخی تے اٹ پاکستان ءِ ورلڈ چیمپین جوڑ کیک، یوتھ ءِ سرسہب ورناجوڑ کننگ نا زمواری ءِ عثمان ڈار ہلکونے، سرسہب ورنا پروگرام ہندن ءُ پروگرام اسے ہراڑآن نن پاکستان نا تہہ ٹی انٹرپنیورشپ نا پوسکن آ دور انا بناءِ کننگ اُن۔ اوپارے کہ 60درسد یوتھ ءِ روزگار تننگ والا خوانہ، سرسہب ورنا پروگرام نا رداٹ 14ہزار آن زیات ورناتے 17ارب نا وام تننگانے، منقولہ جائیداد ءِ گہیو تخنگ آن بیدس 10لکھ اسکان وام تننگانے۔ اوپارے کہ سرسہب ورنا پروگرام سرسہبی اٹ چلینگ انگ ءِ، شفاف پروگرام اسے ہراٹی ہچ ءُ سفارش اس چلینگپک۔ ننے روزگارنا وارخواہی تتون اوار اوار اسہ ہندن ءُ چاگڑد اس تروئی ءِ ہراڑآن مخلوق تینا نت تیا سلے، ہمویوتھ ءِ ملک انا آخبت جوڑ مروئی ءِ و ملک انا کماشی ءِ کروئی ءِ۔ اوپارے کہ وزیراعظم تینا و صوبائی کابینہ ٹی ورناتے وارخواہی تسنے، یوتھ مدام آئیڈل ازم آ یخین تخک۔ اوپارے کہ ہرایوتھ تینا لائخی تے پہہ مرے اودے کس اس مون آ ہِننگ آن توننگ کپک۔ اوپارے کہ انفارمیشن وارفیئر و وارآف اپینن مون تروک ءِ، انفرادی فائدہ نا جاگہ غا اجتماعی فائدہ کن بایدے کاریم کننگے۔ وزیر مملکت فرخ حبیب پارے کہ وزیراعظم سرسہب پاکستان پروگرام بننگ ءِ ہراٹی 40آن 60لکھ خاہوت ءِ نیزگاری نا لکیر آن بڑزاکننگ ءِ، ہراچیلنج آتے ٹی پاکستان ملاسس اوڑآن پاکستان ءِ کشانن۔ داسہ نن ٹیک آف نا پوزیشن اٹی اُن۔ اوپارے کہ مسہ سال اٹی وزیراعظم ملکی خڑچ آتے ٹی اسہ ارب 10کروڑ نا بچت تس، عمران خان اوغانستان نا دورہ ءِ 96ہزار و امریکہ نا دورہ ءِ 67ہزار ڈالراٹ کرے۔
