اسلام آباد۔ 09جولائی (اے پی پی) بنجائی وزیر و نیشنل کمانڈ اینڈ آپریشن سینٹر نا سروک اسد عمر کورونا نا دین انا چارمیکو ریسہ نا بناکننگ نا بابت خبڑدار کرسا ایس او پی تیا عمل مفننگ نا حالیت اٹ شادی ہال و ریسٹورنٹ آتے بند کننگ نا عندیہ تسنے۔ جمعہ نادے آ تینا ٹویٹ اٹی اوپارے کہ کورونا ایس او پی تیا عمل متو تو شادی ہال و ہوٹل آتے بند کروئی مریک۔ پاکستان اٹ کورونا کیس آتا کچ اٹ پدریسہ ودکی مننگ ءِ۔ اسد عمر پارے کہ 2ہفتہ مست پاریسن کہ آرٹیفیشل انٹیلی جنس کورونا نا دین انا چارمیکو ریسہ نا گمان ظاہر کننگ ءِ، چارمیکو ریسہ نا بابت 2ہفتہ مست خبڑدار کریسن، داسہ کورونا نا دین انا چارمیکو ریسہ نا بناکننگ نا علامت ظاہر مننگ بناکرینے۔ اوپارے کہ شادی ہال و ریسٹورنٹ آتے ٹی ویکسی نیشن سرٹیفکیٹ نا بابت ایس او پی تیا عمل مفننگ ءِ، ایس او پی تیا عمل متو تو شادی ہال و انڈور ڈائننگ آتے بند کینہ۔ اوپارے کہ ہوٹل و جم مالک آک زمواری نا درشانی ءِ کتور تو دا آسراتی ءِ بند کننگ آن بیدس ہچ ءُ کسر اس مفک۔
