اسلام آباد۔ 09جولائی (اے پی پی) وزیراعظم عمران خان ءِ آئی جی اسلام آباد، اسلام آباد اٹی سوشل میڈیا غا وائرل مروک آ زیزاریفنگ و بے گواہ کننگ نا واقعہ غا جاست وپاست آن معلومدار کرے۔ جمعہ نادے آ وزیراعظم آفس نا میڈیا ونگ آن جاری بیان نا رداٹ وزیراعظم عمران خان تون آئی جی اسلام آباد قاضی جمیل الرحمان ای الیون 2اٹی مار ومسڑ ءِ زیزاریفنگ و بے گواہ کننگ نا واقعہ غا پیش رفت آن معلومدار کرے۔ اووزیراعظم ءِ معلومدار کرے کہ دوبہ دار آتا دزگیری آن پد سوگو فوجداری کارروائی و دوبہ دار آتے سخت سزا ترفنگ کن او تینٹ دا کیس انا چاروکی ءِ کننگ ءِ و مقدمہ ٹی شاہدی یکجا کننگ کن غٹ سائنٹفک وسیلہ غاتے کاریم اٹ اتنگ انگ ءِ۔ داکان بیدس او وزیراعظم ءِ اسلام آباد اٹی امن و ایمنی نا حالیت آتیا ہم حوال تس۔
