اسلام آباد۔ 08جولائی (اے پی پی) بنجائی وزیر حوالکاری چوہدری فواد حسین پارلیمانی رپورٹرز ایسوسی ایشن نا پوسکن گچین مروک آ صدر صدیق ساجد، نائب صدر احمد نواز خان، سیکرٹری جنرل آصف بشیر چوہدری تون اوار ایلو پوسکن گچین مروک آ عہدیدارآتے مبارکبادی تسنے۔ پنچ شنبے نادے آ تینا اسہ بیان اسے ٹی اوپارے کہ عہدیدار آتا گچین کننگ صحافی برادری نا اوفتیا پت انا درشانی ءِ۔ بنجائی وزیر حوالکاری پارے کہ پاکستان تحریک انصاف نا حکومت سلاہ درشانی نا بنداوی، جمہوری و آئینی حق آ پورو یخین تخک۔ آجو، فعال و متحرک میڈیا جمہوریت نا سوگوی و جمہوری قدرآتا مون آ دننگ کن المی ءِ۔ اوپارے کہ قومی اسمبلی و سینیٹ دیوان نا کارروائیءِ الس اسکان سرکننگ اٹ ”پی آر اے“ نا کڑد ستاکڑزک۔ بنجائی وزیر حوالکاری پارے کہ صحافی تے مون تروک ویل آتا ایسری، اوفتا راجی آسراتی، سلامتی و حق انا رکھ ننا اولیت آتے ٹی اوار ءِ، اومیت ءِ ”پی آر اے“ نا پوسکن گچین مروک آ عہدیدارآک صحافی برادری نا خذمت اٹ تینا پبی کڑد ءِ ادا کیرہ۔
