اسلام آباد۔ 08جولائی (اے پی پی) ڈاکٹرثانیہ نشتر اقوام متحدہ نا ذیلی میٹنگ اڈہلوک سرحال راجی رکھ آن صدارتی تران کرے۔ ذیلی دیوان نیویارک اٹی پاکستان نا آخبتی مشن نا کنڈآن اڈ ہلک۔ دیوان نا اسیجائی مہمانداری ءِ حکومت پاکستان نا احساس پروگرام، جہانی بینک، فن لینڈ و کاسٹاریکانا حکومت آک و یواین ڈی ایس اے ئسک کریر۔ اقوام متحدہ ٹی پاکستان نا آخبتی مندوب منیر اکرم دیوان نا کماشی ءِ کرے۔ دیوان نا مسخت راجی رکھ آ بین الحکومتی کمکاری ءِ ودفنگ و اسہ اسیجائی پلیٹ فارم اسے نا ٹہیفنگ ئس ہراڑآن ایلوملک آک ہیل کننگ کیر۔ دیوان آن کاسٹاریکاو فن لینڈ انا وزیرخارجہ غاک و اقوام متحدہ نا ڈیپارٹمنٹ زرگزرانی و معاشرتی امور نا انڈر سیکرٹری ئسک ہم تران کریر۔ بین الحکومتی پلیٹ فارم نا ٹہیفنگ اٹ پہل کننگ آ جہانی بینک، اقوام متحدہ و ایلو ملک آک ڈاکٹر ثانیہ نشترءِ خراج تحسین پیش کریر۔ ڈاکٹر ثانیہ نیویارک اٹی اقوام متحدہ نا جاچ سیشن بعنوان ایس ڈی جیز نا اولیکو، ارٹ میکو، ہشت میکو و ہفدہ می ہدف آتیان ہم صدارتی تران کرے۔ سیشن اقوام متحدہ نا بڑزکو کہولی پولیٹیکل فورم پائیدار شونداری نا بشخ ئس۔ سیشن اٹ پیرو، بوٹسوانانا وزیرآک و آئی ایل او، ایف اے او، یواین ڈی ایس اے، سکیلنگ اپ نیوٹریشن نا بڑزکو عہدیدارو اقتصادی و راجی کونسل نا نائب صدر ئسک ہم تران کریر۔ ڈاکٹر ثانیہ نیویارک نا مسہ دے ئی دورہ غاٹی ءِ۔ اونیویارک اٹی اقوام متحدہ نا ایلو ذیلی میٹنگ آتے ٹی ہم بشخ ہلیک۔
