اسلام آباد۔ 08جولائی (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسدعمرپارینے کہ این سی او سی آزاد جموں و کشمیر الیکشن کمیشن ءِ جلسہ غاتے ٹی ایس او پی تا خلاف ورزی تا بابت چھٹی اس گدریفینے، چارمیکو ریسہ نا گڑتی ءِ، اسلام آبادہی آخا، ملک اٹ کورونا کیس آک ودنگ ءُ۔ ملک اٹی ودوک آ کیس آتیا وزیراعظم ءِ حوال تننگ والا اُن، ورناک ملک اسے نا زرگزرانی و راجی پنجر ءِ بدل کننگ کیرہ۔ داخیال آتا درشانی ءِ او پنچ شنبے نادے آ نیشنل یوتھ کونسل نا سوغندی دود آن تران کرسا کرے۔ اسدعمرنا پاننگ ئس کہ چارمیکو ریسہ نا گڑتی ءِ، اسلام آباد ہی آخا، ملک اٹی کورونا کیس آک ودنگ ءُ، ملک اٹی ودوک آ کیس آتیا وزیراعظم ءِ حوال تننگ والااُن، نن خواپنہ کہ عئید آ پابندی خلین، عئیدانا مزہ خراب مرے۔ ملک گیر لاک ڈاؤن نا سوج ہی ودی مفک، پورو لاک ڈاؤن نا کنڈآ اسُل ہنپنہ، سمارٹ لاک ڈاؤن ہراڑے ضرورت مرے کینہ۔ اوپارے کہ ننا حکومت ورناتا شونداری و آسودہی کن غٹ ممکنہ گام گیج آتے پک کننگ ءِ۔ ورناتے واکدار و باروزگار کننگ کن مالی وسیلہ غاتا دوئی اولیت آتے ٹی اوار ءِ۔ اسدعمر پارے کہ سرسہب ورناپروگرام نا رداٹ ورناتا مثبت سرجزآتے کن چندی پروجیکٹ آتیا سجفنگ انگ ءِ۔ اوپارے کہ کشت وکشار، صنعت و سروسز سیکٹرآتیان بیدس ایلو بشخ آتے ٹی ورناتے باروزگار جوڑ کننگ کن وام تننگ انگ ءِ۔ اوپارے کہ پاکستان اٹ ورناآبادی نا کچ غٹ آن زیات ءِ، ورناک ملک اسے نا زرگزرانی و راجی پنجر ءِ بدل کننگ کیرہ۔ اوپارے کہ ورناک تینا ویل و اوفتا ایسری ءِ جوان وڑاٹ پہہ مریرہ، حکومت ورناتے فیصلہ سازی نا عمل اٹ اوار کننگ خواہک، دنیاغان ہیل کبو ولے تینے آ پت کبو۔
