اسلام آباد۔ 08جولائی (اے پی پی) وزیر مملکت حوالکاری و شینکاری فرخ حبیب پارینے کہ سندھ حکومت نا غٹ ڈٹ آتا حشر ننا مون آٹے، اسہ نالہ سے نا ساف مفننگ آن ہرسال کراچی ڈُبنگک، داوڑاٹ سندھ حکومت جوڑ کننگ کیک؟ کراچی نا الس کیہی دہائی تیان ٹینکی خواہفنگ آ بیوس ءُ، کراچی ناK-4امر داخہ بھلا پروجیکٹ الس نا استحصال ءِ توننگ کن کے۔فور ڈٹ کمکارمریک۔ وزیراعظم عمران خان کراچی ٹرانسفرمیشن پلان نا رداٹ کے۔فور ڈٹ ءِ واپڈانا دوٹی تس، اکتوبر 2023ء ٹیK-4 ڈٹ پورو مننگ آ کراچی ناالس ءِ 650ملین گیلن دیر ودکی ملنگ کیک۔ اوپنچ شنبے نادے آ واپڈا ہاؤس اٹی کے فور ڈٹ انا بابت ایم اویو دود آن تران کریکہ۔ دود آن تران کرسا وزیر مملکت فرخ حبیب پارے کہ واپڈا تون داخہ در لائخی ارے کہ او داوڑنا ڈٹ آتے وخت آ پورو کننگ کے، لائخی مفننگ، بے چکاری و نابودی نا سوب آن دا ڈٹ کیہی سال آن کھٹائی نا گواچی ئس، نن سہی کنڈآ ہِننگ اُن۔ وزیراعظم عمران خان کراچی ٹرانسفرمیشن پلان نارداٹ کراچی نا مخلوق ءِ ہرممکن آسراتی تننگ کن کوشست کننگ ءِ۔ اوپارے کہ ہرحکومت نا تینا اولیت مریک سیاست دان نا چکار بروک آ گچین کاری تیامریک۔ عمران خان ہموعظیم راہشون ءِ ہرابروک آ چین تیکن ڈیم جوڑ کننگ ءِ۔ اوپارے کہ 70سال اٹی 13ملین ایکڑ فٹ دیر کوڑی کننگ نا ڈٹ جوڑ مرے، عمران خان 10سال اٹی داخہ در دیر کوڑی کننگ نا ڈٹ آتیاکاریم کننگ ءِ، پاکستان نا الس ءِ اڑزآن بجلی تننگ کن 10ہزار میگاواٹ بجلی نا ڈٹ آتیاکاریم برجاءِ۔ اوپارے کہ 45دسد ایمپورٹیڈ فیول آ بجلی جوڑ کروئی تمنگ ءِ داانوائرمنٹ فرینڈلی ہم اف، مستین اٹ اڑزآن بجلی گھر جوڑ کپرسا مجرمانہ ڈیوالئی کننگا۔ اوپارے کہ واپڈاغادنیا نا زرکارآک پت کننگ ءُ، 500ملین ڈالر نا گرین یورو بانڈ آ 6گنازیات 3بلین ڈالرنا زرکاری مون آ بس۔ اوپارے کہ آبی کوڑی تا داڈٹ پاکستان نا اسٹریٹجک میرات ءِ۔ اوپارے کہ الس نا راجی آسراتی نا ڈٹ آتے اسہ کنڈمرسا پورو کروئی مریک۔ چیئرمین واپڈا جنرل (ر) مزمل پارے کہ کراچی نا الس ءِ 50درسد ساف دیر انا کاختی مون تروک ءِ، کے فور ڈٹ اٹی تاخیرنا سوب آتے ٹی ڈیزائن و گراؤنڈ سروے ٹی نزوری ئسک، داسہ ڈٹ آتا ری ڈیزائننگ مریک۔ اوپارے کہ کراچی نا 121کلومیٹر علاقہ ٹی پائیدار، ساف و رکھ دیر سرکینہ، آسٹریا کمپنی آئی ایل او کنسلٹنسی، جامع پلان و کوآرڈنیشن نا خذمت سرایتک۔ اوپارے کہ بنجا، سپریم کورٹ وسندھ حکومت نا کنڈآن کراچی واٹر سپلائی ڈٹ کے فورانا بابت پت انا منت واری ءِ ہرفنہ۔

متعلقہ مضامینمصنف کی طرف سے مزید