اسلام آباد۔8جولائی (اے پی پی): مزن وزیر عمران خان ءَ گوشت کہ وردن ءُ وراک ءِ رکھینگ حکومت ءِ اولی ترجی آنی تہ ءَ ھوار انت، کشت ءُ کشار ءِ پڑ ءَ گیشی ءِ واستہ اے شوبگ آنی تہ ءَ ترندی آرگ ءَ آں، پراھ ءُ شاھیگانیں گامگیج آنی چیر دستی ءَ وردن ءُ وراک ءِ ضلورت آناں سرجم کنگ ءِ واستہ گیشی کناں، شیر ءُ گوشت ءِ پیداوار ءِ گیش بوھگ ءَ چہ نیاد آنی تہ ءَ کمک کئیت۔ آئی ءَ اے ھیالانی درشانی پنچ شمبے ءِ روچ ءَ ادا ایگری ڈیش بورڈ ءِ دیمروئی ءُ ڈن ملکی تر ءُ تاب آنی ساھت ءَ دست چنگل ءِ منصوبگ ءُ منوگر آنی مانیٹرنگ ڈیش بورڈ ءِ دیوان ءِ سروکی ءَ کنان ءَ کت۔ دیوان ءَ بنجاھی وزیر وردن ءُ وراک ءِ رکھینگ سید فخر امام ، مزن وزیر ءِ مشیر برائے راجی سلامتی ڈاکٹر معید یوسف، مزن وزیر ءِ ھاسیں کمکار جمشید اقبال چیمہ، مزن وزیر ءِ ھاسیں کمکار ڈاکٹر شہباز گل ءُ سیادی داروکیں اپسرگ آں بھر زوری کت۔ مزن وزیر ءِ وردن ءُ وراک ءِ رکھینگ ءِ ھوالگ ءَ ھاسیں دلگوشی ءِ وژن ءِ چیر دستی ءَ ایگری ڈیش بورڈ ءَ چہ کشت ءُ کشار ی توم آنی لوٹ ءُ دستیابی ءِ ٹک حکومت ءَ را کجام ھم نمون ءِ وردن ءُ وراک ءِ ڈکال ءَ را وھد ءُ موہ ءِ سر ءَ ٹک ءُ نشان دیگ ءُ ایشی ءَ چہ رکھگ ءَ کمکار سہرا بنت۔ صوبائی حکومت آنی کمک ءَ چہ ایگری ڈیش بورڈ سامان وراکی چیز آنی نیاد آناں ودگ ءَ گر ءُ دار کنگ ءَ دل یکیمی جوڑ کنت۔ اے موہ ءِ سر ءَ مزن وزیر ءَ گوشت کہ وردن ءُ وراک ءِ رکھینگ حکومت ءِ اولی کار انت، کشت ءُ کشار ءَ ودینگ ءِ واستہ اے شوبگ ءِ تہ ءَ دیمروئی آرگ بوھگ ءَ انت۔ ایگریکلچر ٹرانفارمیشن پلان یک جوانیں گامگیج ئے رد ءَ ملک ءِ وردن ءُ وراک ءِ ضلورت آناں پیلو کنگ ءِ واستہ پیداوار ءَ را ودینگ بیت، شیر ءُ گوشت ءِ پیداوار ءَ را ودینگ ءَ چہ نیاد آنی تہ ءَ کمی کئیت۔ مزن وزیر ءَ گوشت کہ ڈن ملکی تر ءُ تاب آنی ساھت ءَ کتگیں منوگری آناں وھد ءُ موہ ءِ سر ءَ گیوار کنگ بہ بیت تانکہ اے وڑیں منصوبگ ھما ملکی سیت ءِ واستہ ارزشتی انت ایشانی سرجمیں ءَ اچ رنگیں مھتلی مہ بیت۔
