اسلام آباد۔7جولائی (اے پی پی): مزن وزیر عمران خان ءَ گوں سپیکر پنجاپ اسمبلی چوہدری پرویز الہی، قومی اسمبلی ءِ باسک مونس الہی ءُ بنجاھی وزیر برائے ہائوسنگ طارق بشیر چیمہ ءَ گند ءُ نند کت۔ ایوان مزن وزیر میڈیا ونگ ءِ نیمگ ءَ جاڑی بوتگیں بیان ءِ رد ءَ وزیر ءِ درئی کار مخدوم شاہ محمود قریشی، بنجاھی وزیر منصوبگ بندی اسد عمر ءُ بنجاھی وزیر وانگ ءُ زانگ شفقت محمود ھم گند ءُ نند ءَ شریک بوتگ انت۔ گند ءُ نند ءَ پنجاپ ءِ سیاسی جاور ھال آنی رد ءَ ھیال ریچی کنگ بوت۔ ایشی ءَ ابید صوبائی بجٹ، ءِ سر ءَ ایمنیں رنگ ءَ بجٹ ءِ کاروائی ءُ پنجاپ اسمبلی ءِ نوکیں ماڑی ءِ جوڑیشت ءِ ھوالگ ءَ ھیال ریچی ھم کنگ بوت۔ گند ءُ نند ءَ دوئیں گل آنی کمک ءَ چہ پنجاپ ءِ دیمروئی ءُ وشھالی ءِ واستہ یکجائی گامگیج آنی سر ءَ گپ ءُ تران کنگ بوت۔
