اسلام آباد۔7جولائی (اے پی پی):صدر مملکت ڈاکٹر عارف علوی ءَ گوشت کہ بھارت پاکستان ءِ ھلاپ ءَ ہائبرڈ جنگ ءَ گوں دست مانجن انت ءُ اے مول ءُ مراد ءِ در جنگ ءِ واستہ اوگانستان ءِ سرڈگار ءَ را کارمرز کنگ ءَ انت، اوگان جنگ ءِ پاکستان ءِ سر ءَ جھلانکیں رند پد نکش بوتگ، سی پیک ءَ چہ بلوچستان ءَ دیمروئی ءِ نوکیں کشک پچ بیت ءُ دمگی تجارت ءَ را دیمروئی رسیت۔ آ چار شمبے ءِ روچ ءَ ادا بلوچستا ن ءَ نینشل ورکشاپ ءِ شریکیں مردم آں گوں گشتانک دیان ءَ کت۔ صدر ءِ مملکت ءَ گوشت کہ چین پاکستان اقتصادی راہداری ءِ کمک ءَ چہ بلوچستان ءَ دیمروئی ءِ نوکیں پڑ پچ بیت، نیامی ایشیائی ملک آناں وتی تجارت ِ دیمروئی ءِ واستہ پاکستان ءِ کشک ءَ مزنیں آپ ءُ تیاب آں تاں پجاری بیت۔ آئی ءَ گوشت کہ بلوچستان ءَ ماھی گیری ءِ شوبگ ءَ چہ زر امبار آنی کٹ کنگ ءِ ٹوھیں ازمکاری است انت۔ بلوچستان ءَ ماھی کشگ ءِ شوبگ ءَ را نوکیں ءُ مھکمیں بنیات آنی رد ءَ آرگ ءِ ضلورت انت۔ صدر ء، مملکت ڈاکٹر عارف علوی ءَ گوشت کہ اوگانستان ءَ جنگ ءَ پاکستان ءِ جھلانکیں آسر نکش بوتگ انت۔ ناشرکاری ءِ ھلاپ ءَ دراج بُریں جنگ ءَ چہ پاکستان ءِ معاشی ءُ سیکورٹی جاور ھال آنی سر ءَ جھلانکیں آسر کپتگ۔ صدر ء، مملکت ءَ گوشت کہ طالبان ءَ را اوگانستان ءَ وت مہ وتی تپاکی ءُ یکوئی ءِ پالیشی وتی کنگ لوٹ ایت۔
