اسلام آباد۔ 07جولائی (اے پی پی) وزیراعظم عمران خان دلیپ کمار نا کزیت آ است ہسونی نا درشانی ءِ کرسا پارینے کہ اونا است انا بھلنی ءِ گیرام کننگ مفک۔ چارشنبے نادے آ تینا ٹویٹ اٹی وزیراعظم پارے کہ شوکت خانم میموریل ٹرسٹ ہسپتال ڈٹ اکن فنڈیکجا کننگ اٹ اونا کمک و است انا بھلنی ءِ گیرام کننگ مفک۔ شوکت خانم کینسر ہسپتال نا ڈٹ آتے کن بنائی 10درسد فنڈ جمع کننگ نا مشکل ریسہ غا پاکستان ولندن اٹ اڈ ہلوک آ دود آتے ٹی دلیپ کمار نا بشخ ہلنگ آن ننے دا ہسپتال نا تفنگ کن بھلو فنڈ اس جمع کننگ اٹ کمک رسینگا۔ وزیراعظم پارے کہ کنا وئی نا چین تیکن دلیپ کمار اسہ عظیم ءُ و ورسٹائل اداکار اس ئس۔
