اسلام آباد۔ 07جولائی (اے پی پی) وزیراعظم نا سلاہکار واپار و زرکاری عبدالرزاق داؤد پارینے کہ تدوک آ مالی سال 2020-21ء ٹی آسٹریلیا ءِ کروک آ برآمدآتے ٹی 33 درسد ودکی مسنے۔ چارشنبے نادے آ تینا اسہ ٹویٹ اسے ٹی سلاہکار واپار پارے کہ مالی سال 2020ء ٹی آسٹریلیا ءِ 211 ملین ڈالر نا برآمدات کننگاسس وخت اس کہ تدوک آ مالی سال 2021ء ٹی برآمد آتا کچ 70ملین ڈالر یعنی 33 درسد ودکی اٹ 281ملین ڈالر اسکان ودا۔ اوآسٹریلیا ءِ کروک آ برآمد آتے ٹی ریکارڈ ودکی آ برآمد کروک آتے مبارکباد ترساپارے کہ آخبت اٹ ہم دااہم و بھلا برآمدی منڈی آ خاص چکار کننگے۔ سلاہکار واپار برآمد آتا مون آ دننگ نا بابت آسٹریلیا ٹی تعینات کونسل جنرل پاکستان و وزارت واپار نا ٹریڈ اینڈ انویسٹمنٹ منسٹرز نا کوشست آتا ہم ستاءِ کرے۔
