کوئٹہ۔ 07جولائی (اے پی پی) وزیراعلیٰ بلوچستان جام کمال خان تون آڈیٹر جنرل پاکستان جاوید جہانگیر اوڑدہی کرے، اوڑدہی ٹی وزیراعلیٰ نا پرنسپل سیکرٹری زاہد سلیم ہم ساڑی ئسک۔ اوڑدہی ٹی آڈیٹر جنرل پاکستان ادارہ نا کارکڑد و پوسکن آ گام گیج آتا بابت معلومدار کرے۔ آن لائن بلنگ، سیکٹر و تھیم وائز آڈٹ رپورٹ آتیا کاریم کننگ ءِ۔ آڈیٹر جنرل پاکستان قومی وسیلہ غاتا سہی کاریم اٹ اتنگ ءِ پک کننگ کن آڈیٹر جنرل نا ادارہ نا بھاز اہمیت ءِ۔ وزیراعلیٰ بلوچستان پارے کہ آڈٹ نا بشخ ءِ پین سوگو کننگ کن جامع گام گیج کننگک۔ وزیراعلیٰ بلوچستان جام کمال خان پارے کہ آڈٹ نا نظام ءِ گچین کننگ کن مربوط رابطہ و کمکاری ءِ مون آ دننگ آ امنامس۔

متعلقہ مضامینمصنف کی طرف سے مزید