اسلام آباد۔ 07جولائی (اے پی پی) چیئرمین سی پیک اتھارٹی لیفٹیننٹ جنرل (ر) عاصم سلیم باجوہ پارینے کہ سی پیک فیزون اٹی 1200ملازمت بسنے، کورونا نا دین سی پیک اکن بھلو امتحان اس ئس ہراٹی سرسہبی اٹ پیش تمان، گوادر پورٹ انا قومی و ہندی زرگزران آ بھلو اثراسے۔ داخیال آتا درشانی ءِ او چارشنبے نادے آ میڈیا تون گپ وتران کرسا کرے۔ چیئرمین سی پیک اتھارٹی عاصم سلیم باجوہ پارے کہ ای سی پیک نا ہرڈٹ انا چاروکی ءِ کننگ اٹی اُٹ و آپریشنل باندات آتے ہم ہُننگ اُن۔ اوپارے کہ چینی زرکارآتا سی پیک ڈٹ آتیا پت کم متنے و نئے سی پیک آ کاریم سلیس یا سستی اٹ ہِننگ نا گواچی مسنے۔ اوپارے کہ بلوچستان نا دیکی روٹ آتا علاقہ غاتے ٹی روزگار نا ویل ءِ۔ سی پیک ڈٹ آتا سیکورٹی گچین ءِ و ہچ ءُ ڈٹ اس سلوک اف۔ چیئرمین سی پیک اتھارٹی پارے کہ گیشتر ویل آک سیم انا ایپارآن ءُ وخت اس کہ ایران، اوغانستان سیم 60درسد سیل کننگانے۔ اوپارے کہ چین نا زرکاری آن ووکیشنل انسٹیٹیوٹ جوڑ مریک، کورونا سی پیک اکن بھلو امتحان اس ئس، ہراڑآن نن سرسہبی اٹ پیش تمان۔ عاصم سلیم باجوہ پارے کہ ماہی گیرآتے کن پوسکن ءُ وارخواہی ودی کننگک، کس اسے نا کنڈآہُننگ آن بیدس مون آ ہِننگ اُن۔
