اسلام آباد۔ 06جولائی (اے پی پی) وزیراعظم عمران خان چین نا کمیونسٹ پارٹی نا جنرل سیکرٹری و السی جمہوریہ چین نا صدر شی جن پنگ نا سلہ غا ”سی پی سی و ورلڈ پولیٹیکل پارٹیز سمٹ“ اٹی اینو سے شنبے نادے آ بشخ ہلیک۔ کمیونسٹ پارٹی نا جنرل سیکرٹری و چین نا صدر شی جن پنگ ورچوئل سروکی دیوان نا کماشی ءِ کیک۔ ورچوئل سروکی دیوان اٹی چندی ملک آتیان 500آن زیات سیاسی جماعت و 10 ہزار آن زیات سیاسی کارندہ و نمائندہ غاتا بشخ ہلنگ نا گمان ءِ۔ سروکی دیوان اٹی 21جہانی راہشون بشخ ہلیرہ و گپ وتران کیرہ۔ پاکستان تحریک انصاف نا چیئرمین وزیراعظم عمران خان ورچوئل سمٹ آن کلیدی تران کیک۔ سمٹ نا ایسر آ سلاہ تیا مبنی اسیجائی بیان اس جاری کننگک۔
