اسلام آباد۔ 06جولائی (اے پی پی) جہانی بینک پاکستان اٹی بجلی نا بشخ اٹی اصلاحات و انسانی کیپٹل اٹی زرکاری کن پاکستان نا حکومت نا گام گیج آتا ستاءِ کرسا پارینے کہ بینک اڑزآن و گیگ بدل توانائی نا پیدوار و انسانی وسیلہ غاتا کچ اٹ ودکی کن کمکاری نا چرجوئی ءِ برجاتخک۔ پاکستان اٹ جہانی بینک انا کنٹری ڈائریکٹر ناجی بن حسائن اسہ بیان اسے ٹی پارینے کہ بجلی نا بشخ اٹی اصلاحات و انسانی کیپٹل اٹ زرکاری ستاکڑزک۔ جہانی بینک پیس و شفٹ پروگرام تا کمک اٹ دا بشخ آتے ٹی پاکستان تون کمکاری نا چرجوئی ءِ برجاتخک۔ جہانی بینک کوویڈ۔ 19نا جہانی دین انا براہ راست و بلواسطہ اثرآتون مون تننگ، جان جوڑی عامہ و تعلیم نا نظام ءِ سوگو کننگ، انسانی وسیلہ غاتے ٹی زرکاری و گردشی وام تا کچ اٹ کمتی کن پاکستان ءِ جم وڑاٹ 80کروڑ ڈالر نا کمک فراوان کیک، دارداٹ پاکستان و جہانی بینک منہ وخت مست اِرامعاہدہ غاتیا دستخط کرینو، جہانی بینک 40کروڑ ڈالر دمدستی وڑاٹ وخت اس کہ پین 40کروڑ ڈالر بروک آ دے تیٹی فراوان کیک، معاہدہ غاتا رداٹ جہانی بینک اولیتی بشخ آتے ٹی اہم پالیسی اصلاحات اٹی کمک فراوان کیک۔ دامعاہدہ غاتیان ساڑی آ حکومت آ جہانی مالیاتی ادارہ غاتا پت انا ڈیک مننگ ءِ، معاہدہ غاتیان کوویڈ۔ 19نا جہانی دین انا براہ راست و بلواسطہ اثرآتون مون تننگ، جان جوڑی عامہ و تعلیم نا نظام ءِ سوگو کننگ، انسانی وسیلہ غاتے ٹی زرکاری و گردشی وام تا کچ اٹ کمتی کن کروک آ کوشست آتے سوگوی ملک۔ معاہدہ غاتا رداٹ جہانی بینک اولیتی بشخ آتے ٹی اہم پالیسی اصلاحات آتے ٹی کمک فراوان کیک۔ جہانی بینک شفٹ ٹو پروگرام کن 40کروڑ ڈالر نا کمک فراوان کیک، داپروگرام نا شونداری ہدف آتے ٹی جان جوڑی و تعلیم نا نظام اٹی سول رجسٹریشن و اہم حساب وکتاب ءِ اولیت تننگ انگ ءِ تانکہ حساب وکتاب نا بنداو آ انسانی وسیلہ غاتا شونداری کن گچین وڑاٹ کاریم کننگ مرے۔ اقتصادی پیدواری عمل اٹ زالبول آتا خذمت آتا اعتراف مرے و مشکل وخت اٹی راجی رکھ انا پروگرام تے گچین وڑاٹ چلیفنگ مرے۔ قابل حصول و ساف توانائی ڈویلپمنٹ پالیسی فنانسنگ پروگرام کن پین 40کروڑ ڈالر نا وام تننگک۔ داپروگرام نا رداٹ گردشی وام اٹی کمتی کن گام گیج کننگک دامسخت کن بجلی نا پیدواری خڑچ اٹی کمتی اتنگک،توانائی نا قومی کوڑی ٹی چاگڑد دوست توانائی ٹی ودکی کن گام گیج کننگک، بجلی نا بشخنگ نا نظام ءِ گچین کننگک و بجلی نا ہدف آتیا مبنی سبسڈیز ءِ پک کننگک۔ ہڑتوم آ پروگرام تیان زرتس آتے ٹی توازن نا حالیت آتے ٹی گچینی بریک وخت اس کہ زرمبادلہ نا کوڑی تے ہم مون آ دننگک۔
