لاہور۔ 06جولائی (اے پی پی) پوسکن پندار چیف جسٹس لاہور ہائی کورٹ جسٹس محمد امیر بھٹی تینا عہدہ نا سوغند ہرفے۔ گورنر پنجاب چوہدری محمد سرور اوڑآن سوغند ہلک۔ سوغندی دود گورنرہاؤس لاہور اٹی اڈ ہلک۔ داوخت آ وزیراعلیٰ پنجاب عثمان بزدار، کورو کمانڈ ر لاہور لیفٹیننٹ جنرل محمد عبدالعزیز، نیول اسٹیشن کمانڈر عامر اقبال خان، ڈپٹی اسپیکر پنجاب اسمبلی سردار دوست مزاری، صوبائی وزیر کانود راجہ بشارت، صوبائی وزیر ہاؤسنگ و اربن ڈویلپمنٹ میاں محمود الرشید، صوبائی وزیر محسن لغاری، زالبول محتسب نبیلہ حاکم علی، آئی جی پنجاب انعام غنی، چیف سیکرٹری پنجاب جواد رفیق ملک، سینئر ممبر بورڈ آف ریونیو بابر حیات تارڑ، لاہورہائی کورٹ نا جج آک، رجسٹرار لاہور ہائی کورٹ، ایڈووکیٹ جنرل پنجاب احمد اویس، پراسیکوٹر جنرل پنجاب رانا عارف کمال نون، بنجائی و صوبائی لاآفیسرآک، وکلاتنظیم تا نمائندہ و بڑزکو سول کمامدارآک ہم ساڑی ئسر۔ دود اٹی بشخ ہلوک آک جسٹس محمد امیر بھٹی ءِ چیف جسٹس نا زمواری ءِ سنبھالنگ آ مبارکبادی پیش کریر، جسٹس محمد امیر بھٹی 8مارچ 1962آ بورے والا وہاڑی ٹی ودی مس، بنائی تعلیم ملتان آن کرے، 1985ٹی ملتان نا بہاؤالدین زکریایونیورسٹی آن وکالت نا ڈگری ءِ ہلک، 12مئی 2011ء ٹی ایڈیشنل جج بھرتی مس، اودے سول، فوجداری، آئینی، ٹیکس، الیکشن، سیٹلمنٹ و سروس نا کانود آ عبور دوئی ءِ۔
