اسلام آباد۔ 06جولائی (اے پی پی) بنجائی وزیر حوالکاری و شینکاری چوہدری فواد حسین پنی آ ادیب، افسانہ نگار و کالم نگار مسعود اشعر نا کزیت آ است ہسونی نا درشانی ءِ کرینے۔ دوشنبے نادے آ تینا ہڑزخواہی بیان اٹی او پارے کہ مسعود اشعر نا کزیت نا خبر ءِ بنگوٹ است ہسونی مس، ایماندار افسانہ نگاری و صحافت اٹ بھلو خذمت اس سرتس، اونا خذمت آتے مدام یات تخنگک۔ بنجائی وزیر حوالکاری پارے کہ ایماندار علم و عمل نا جوان ءُ امتزاج اس ئس، اونا کزیت آن ودی مروک آ خورکی اسُل پُر مننگ کپک۔ اودعا کرے کہ اللہ تعالیٰ مسعود اشعر ایماندار نا بخشش ءِ کے و خاہوت ءِ دا صدمہ ءِ سگنگ نا حوصلہ عطاکے۔
