اسلام آباد۔ 06جولائی (اے پی پی) بنجائی وزیر توانائی حماد اظہر پارینے کہ کبین انگا بجلی نا معاہدہ کروک آک داسہ تینٹ ہی غوغا کننگ ءُ، بجلی نا پیدواری نظام ءِ مسکوہی حکومت آک درآمدی ایندھن آ گدریفیر، ملکی وسیلہ غاتے ہلسا درآمدی ایندھن آ بجلی گھر خلنگ نا ورندی ءِ ایتر، پیک نا 2تُو آن بیدس 10تُو 30درسد بجلی ودکی مریک، دانا ورندی ءِ دیر اس ایتک۔ سے شنبے نادے آ تینا بیان اٹی مسلم لیگ (ن) نا راہشون و مسکوہی وزیراعظم شاہدخاقان عباسی نا بیان نا ردعمل اٹ حماد اظہر پارے کہ اِرا تُوانا پیک آن بیدس دہ تُو ہرا 30درسد بجلی ودکی مریک اونا ورندی ءِ دیر اس ایتک۔ ہشت سال اٹی ہراکہ نم 26000میگاواٹ نا پین بجلی نا کبین معاہدہ کرینورے ہرافتیان المی بجلی ہلوئی تمنگ ءِ اونا ورندی ءِ ہم ایتر۔ ملکی وسیلہ غاتے ہلسا امپورٹڈ فیول آ پاور پلانٹ خلنگ نا ہم ورندی ءِ ایتر۔ اوپارے کہ اول تینٹ مچ آ پاور جنریشن نا سسٹم ءِ امپورٹد فیول آ خلکر و داسہ تینٹ ہی اوفتیا غوغاکننگ ءُ، ورندی تو تروئی تمک۔
