اسلام آباد۔ 06جولائی (اے پی پی) ٹیکسٹائل نا برآمد آتے ٹی اینخو مالی سال انا اولیکو 11 تُواٹی جم وڑاٹ 18.9درسد ودکی مسنے۔ مئی 2020ء نا مقابلہ ٹی مئی 2021ء ٹی برآمد آتا مالیت 41.4درسد ودا۔ بنجائی ادارہ شماریات پاکستان (پی بی ایس) نا حساب وکتاب نا رداٹ تدوک آ مالی سال انا مقابلہ ٹی اینخو مالی سال انا اولیکو یانزدہ تُواٹی ٹیکسٹائل پڑک نا جم برآمد آتا مالیت 18.9درسد ودکی اٹ 13ارب 74کروڑ 82لکھ 96ہزار ڈالر اسکان ودا۔ داوخت آ نیٹ ویئرز نا برآمد آتے ٹی 32.7درسد ودکی مسنے و برآمد آتیان 3ارب 41کروڑ 43لکھ ڈالر زرمبادلہ کٹیاکننگانے وخت اس کہ تُوال آتا برآمدات ہم 28.5درسد ودکی اٹ 83کروڑ 85لکھ 7ہزار ڈالر و بیڈ ویئرز نا برآمدات 24.6درسد ودکی اٹ 2ارب 47کروڑ 27لکھ 82ہزار ڈالر اسکان سرمس۔ حوال نا رداٹ مئی 2020ء نا مقابلہ ٹی مئی 2021ء ٹی ٹیکسٹائل پڑک نا جم برآمد آتے ٹی 41.4درسد ودکی ریکارڈ کننگانے وخت اس کہ داوخت آن نیٹ ویئرز نا برآمد آتے ٹی 62 درسد، تُوال آتا برآمد آتے ٹی 48.4درسد، تیار ملبوسات آتا برآمدآتے ٹی 43.7درسد، سوتی دسک انا برآمد آتے ٹی 38.6درسد، سوتی پچ انا برآمد آتے ٹی 37درسد و بیڈ ویئرآتا برآمد آتے ٹی 23.9درسد ودکی ریکارڈ کننگانے۔
