گوادر ۔5جولائی (اے پی پی): مزن وزیر مرچی دو شمبے ءَ گوادر ءِ تر ءُ تاب ءِ ساھت ءَ 2200 ایکڑ ءِ ھواریں گوادر پورٹ فری زون فیز ٹو ءِ بن ھشت ءَ ایر کنت ءُ زر باری بلوچستان ءِ واستہ 600 ارب کلدار ءِ دیمروئی پیکج ءِ سر ءَ کار کنگ ءِ ھوالگ ءَ ددیمروئی کار آنی سر ءَ چار ءُ بچار کناں۔ اے گپ چیئرمین سی پیک اتھارٹی لیفٹیننٹ جنرل (ر) عاصم سلیم باجوہ ءَ مزن وزیر ءِ تر ءُ تاب ءِ ھوالگ ءَ تران کنان ءَ گوشت۔ آئی ءَ گوشت کہ مرچی مزن وزیر گوادر ءَ پیداک انت مرچی یک تاریخی موہ ات۔ مزن وزیر ءِ تر ءُ تاب ءِ ساھت ءَ گوادر پورٹ فیز ون ءِ سرجمی ءَ چہ پد گوادر فری زون فیز ٹو ءِ بن ھشت ءَ را ایر کنگ بیت۔ اے یک ٹوھیں گام ات۔ فری زون ءِ فیز ون ایوک ءَ 60 ایکڑ ءِ بوتگ وھدیکہ فیز ٹو 2200 ایکڑ ءِ بیت۔ آئی ءَ گوشت کہ مزن وزیر ءِ تر ءُ تاب ءِ ساھت ءَ پنچ فیکٹری آنی جوڑیشت ءِ بن ھشت ءَ ایر کناں۔ گوادر شہر ءُ زر باری بلوچستان ءِ واستہ مزن وزیر ءَ 600 ارب کلدار ءِ پیکج داتگ۔ آئی ءَ گوشت کہ مرچی کساس شنگھائی ءَ چہ 7،8 ٹوھیں سرمایہ کار آن لائن بھر زوری کناں ءُ ایش ناں ایوک ءَ گوادر بلکینگ ءَ سرجمیں پاکستان ءَ سرمایہ کاری ءِ منصوبگ آنی جار ءَ جناں۔ 7 دمگی ملک آںی سفیر مزن وزیر ءِ ساڑی بوھگ ءِ وھد ءَ وتی وتی ملک آنی نیمگ ءَ چہ سرمایہ کاری ءَ شریکداری ءِ ھوالگ ءَ ھیال آنی درشانی ءَ کن انت۔ آئی ءَ گوشت کہ چائنہ بزنس سنٹر فری زون ون ءَ انت ءُ ایشرا سائوتھھ زون ھم گوشاں۔ ایشی ءِ توک ءَ 46 انٹر پرائزز رجسٹرڈ بوتگ انت ایشانی تہ ءَ 12 فیکٹری ھوار انت، ایشانی تہ ءَ سئے سرجم بوتگ انت ءُ ایشانی پیداوار جاڑی انت۔ آءی ءَ گوشت کہ ٹریفک روچ پہ روچ گیش بوھگ ءَ انت۔ گوستگیں سال ءِ رد ءَ سامان آنی سد آنی سرئی گیش روگ آیگ بیت ءُ اے سال ءَ ھم 60 ہزار میڑک ٹن ءَ تاں پج اتگ انت۔ 5 ایل پی جی ءِ جہاز گوادر ءَ اتکگ انت۔ آیوکیں روچ ءَ ٹریفک ءِ تہ ءَ گیش رشی بیت۔ آئی ءَ گوشت کہ مزن وزیر ءِ توان ءُ آپ ءِ منصوبگ آنی ھوالگ ءَ گیش واھشت انت۔ لیفٹیننٹ جنرل (ر) عاصم سلیم باجوہ ءَ گوشت کہ مزن وزیر ءِ تر ءُ تاب ءِ ساھت ءَ یک منوگری ءِ سر ءَ دست چنگل جنگ بیت ایشی ءِ چیر دستی ءَ چین مارا 1.2 ملین گلین ساپیں آپ ءِ پلانٹ ٹیکی دنت۔ ایش 12 ءَچہ 13 ماہ ءِ ساھت ءَ سرجم بیت۔ ایشی ءَ ابید زرباری بلوچستان پیکج ءَ گوادر ءِ واستہ ساپیں آپ ءُ توان ءِ منصوبگ ھوار انت۔ 5 ملین گیلن ساپیں آپ ھمک روچ پجاری اے پیکج ءِ تہ ءَ ھوار انت۔ ایشی ءَ ابید مزن وزیر ءَ توان ءِ یک منصوبگ ءِ منظوری داتگ ایشی ءِ پد ءَ کار بندات بوتگ۔ ایشی ءِ چیر دستی ءَ زربائی بلوچستان ھاسیں رنگ ءَ گوادر ءَ را مین گرڈ ءَ گوں ھوار کنگ بیت۔ ایشی ءَ ابید 300 میگاواٹ ءِ یک پلانٹ ءِ ھم کار کنگ ءَ انت۔ توان ءِ پجاری ءُ شہر ءِ واستہ ایندگر آسراتی ھم مزن وزیر ءِ ھاسیں دلگوشی انت۔ مزن وزیر ءَ را زر باری بلوچستان ءِ دیمروئی پیکج ءِ ھوالگ ءَ بریفنگ ھم دیگ بیت۔ مزن وزیر اے رد ءَدیمروئی کار آنی سر ءَ چار ءُ تپاس کنت۔
