گوادر۔5جولائی (اے پی پی): مزن وزیر عمران خان ءَ گوشت کہ بلوچستان ءِ دیمروئی حکومت ءِ اولی کار آنی تہ ءَ ھوار انت، تاریخ ءَ اولی رند ءَ یک حکومت ءِ بلوچستان ءِ سر ءَ دلگوشی دیگ ءَ انت، اے ھیالانی درشانی آئی ءَ دو شمبے ءَ گوادر ءَ زرباری بلوچستان ءِ دیمروئی پیکج ءِ ھوالگ ءَ دیوان ءِ سروکی ءِ ساھت ءَ کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ را پیکج ءِ ھوالگ ءَ سرجمیں بریفنگ دیگ بوتگ ایشی ءِ اندر ءَچیئرمین سینٹ صادق سنجرانی، بجاھی وزیر اسد عمر، مخدوم شاہ محمود قریشی، فواد چوہدری، علی زیدی، زبیدہ جلال، ھاسیں کمکار ڈاکٹر شہبا ز گل، مشیر راجی سلامتی ڈاکٹر معید یوسف، سر وزیر بلوچستان جام کمال، چیئرمین سی پیک اتھارٹی لیفٹیننٹ جنرل ریٹائرڈ عاصم سلیم باجوہ، صوبائی وزیر ءُ سیادی داروکیں اپسرگ آں بھر زوری کت۔ دیوان ءَ را حکومت ءِ بلوچستان ءِ ھوالگ ءَ دلگوشی ءِ ویژن ءِ چیر دستی ءَ بلوچستان پیکج ءِ دیمروئی کار آنی بابت ءَ سرجمیں بریفنگ دیگ بوت۔ بریفنگ ءَ گوشت بوت کہ بنجاھی ءُ صوبائی ادارگ آناں یکجائی ءَ پیکج ءِ جاڑیگیں کار آنی نگرانی ءَ کنگ ءَ انت ءُ منصوبگ ءَ را دل یکیمی جوڑ کنگ ءَ آں۔ گیش گوشگ بوت کہ 654 ارب ءِ ھواریں پیکج ءَ چہ گوزوکیں مالی سال 99.38 ارب کلدار ھرچ کنگ بیت ایشی ءِ اندر ءَ ٹرانسپورٹ ءُ بنیاتی کوکا ءِ جوڑیشت ، ساپیں آپ ءِ پجاری ءُ گہتریں کارمردی، کشت ءُ کشار ، لائیو ستاک، انفارمیشن ٹیکنالوجی، ھاٹیگ، صنعت ءُ تجارت، لس مردی آسودگی ءُ وانگ ءُ زنگ ءُ ایندگر دیمروئی منصوبگ ھوار انت۔ پیکج ءَ کلی 1100 کلومیٹر ءِ سڑک آنی جال چیر گیجگ بوھگ ءَ انت ایش بلوچستان ءِ مردم آناں تر ءُ تاب ءِ ساھت ءَ آسراتی پجاری ءِ گوما کشت ءُ کشار ءِ سامان آناں منڈی آں تاں پجاری ءَ ارزشتی ایں کرد پیلو کنت انت۔ پیکج ءَ آپ ءَ را جم کنگ ءِ واستہ ھپت ٹوھیں ڈیمز ءُ 100 ءِ نزیک ءَ کسانیں ڈیمز آنی جوڑیشت ھم ھوار انت۔ انکرا، سواد ءُ شادی کور ٹیم گوادر ءَ ھم ساپیں آپ ءِ پجاری ءَ را دل یکیمی جوڑ کنگ ءَ کمکار سہرا بنت، ایشی ءَ ابید کشت ءُ کشار ءِ نظام ءِ گہتری ءُ کشت ءُ کشار ءِ وساتہ آپ ءِ پجاری ایگریکلچر ٹرعانسفارمیشن پلان ءِ جنگ ءَ کمک ءُ کشت ءُ کشاری پیداوار ءَ گیشی ءَ کمکار سہرا بیت۔ مزن وزیر ءَ را بریفنگ دیان ءَ ڈیجیٹل بلوچستان ءِ چیر دستی ءَ کیچ، گوادر، چاغی ءُ نوشکی ءَ ڈیجیٹل کنیکٹوٹی ءَ را گہتری جوڑ کنگ، ٹوھیں دگ آنی نیمگ ءَ ہائی سپیڈ انٹرنیٹ ءِ پجاری ءُ 35 ہزار ورنا آناں اگنائیٹ پروگرام ءِ چیر دستی ءَ ڈیجیٹل سکلز ءِ پجاری دل یکیمی جوٹ کنگ بیت۔ صنعت ءُ تجارت ءِ ھوالگ ءَ گبد، مند ءُ چیدگی ءَ یکجائی بارڈر مارکیٹس، واشُک، ماشکیل ءُ تربت ءَ ناہ ءِ پروسیسنگ ءِ پلانٹس، ماربل ءِ میاں اوستمانی کد ءُ بالاد ءِ صنعت، خضدار ءَ زیتون ءِ ٹیل ءِ پلانٹ، گوادر ءَ کٹی ءُ لانچ ءِ صنعت ءِ برجائی ءُ لوٹ ءُ مائننگ ءِ نوکیں مشینری ءِ پجاری ءِ منصوبگ آنی ھوالگ ءَ سرپد کنگ بوت۔ مزن وزیر ءَ اے موہ ءِ سر ءَ گوشت کہ بلوچستان ءِ دیمروئی حکومت ءِ اولی ترجی آنی تہ ءَ ھوار انت، تاریخ ءَ اولی رند ءَ اچ حکومت قدرتی آسراتی ءُ ازمکاریں مردم آں چہ صوبگ پُر انت، بلوچستان ءِ سر ءَ دلگوشی دیگ ءَ انت۔ سڑک آنی جال، صنعتی دیمروئی ءَ چہ روزگار ءِ پجاری، کشت ءُ کشار ءِ دیمروئی ءُ بنیاتی آسراتی ءِ پجاری ءَ را دل یکیمی جوڑ کنگ ءَ انت۔
