لاہور۔5جولائی (اے پی پی):وزیر مملکت اھوالکاری ءُ شنگ کاری فرخ حبیب ءَ لاہور ءَ پی ٹی وی سینٹر، پی آئی ڈی ءُ دنیا نیوز کارگس ءِ تر ءُ تاب کت آھودا آئی ءَ سیادی داروکیں کارندہ آناں نیوز، کرنٹ افیئرز ءِ کار آنی بابت ءَ بریفنگ دات۔ دو شمبے ءَ وزیر ءِ مملکت فرخ حبیب پی ٹی وی سینٹر ءَ پج ات گڈا جی ایم پی ٹی وی لاہور فیض الدین ءَ آئی ءَ را وش اتک کت۔ وزیر ءِ مملکت فرخ حبیب ءَ گوشت کہ پی ٹی وی لاہور سینٹر تاریخی ارزشت ءِ دار ایت، پی ٹی وی ءِ شرپ ءَ را برجا دارگ اولی کار انت، پی ٹی وی ءِ تکنیکی کارندہ آناں نوکیں لوٹ آنی رد ءَ ھمگام کنگ ءِ واستہ ھیل کاری آنی سر ءَ دلگوش کنگ بیت۔ آئی ءَ گوشت کہ پی ٹی وی مزور آنی توامیں جائزیں جیڈھ آناں گیوار کناں۔ وزیر ءِ مملکت فرخ حبیب ءَ پی آئی ڈی ریجنل کارگس لاہور ءِ تر ءُ تاب کت آھودا آئی ءَ ڈی جی پی آئی ڈی لاہور شفقت عباس ءَ وزیر ءِ مملکت ءَ را پی آئی ڈی ریجنل کارگس ءِ کار آنی ھوالگ ءَ بریفنگ دات۔ وزیر ءِ مملکت فرخ حبیب ءَ دنیا نیوز، لاہور نیوز ءُ دنیا نیوز ءِ جتا جتائیں شوبگ آنی تر ءُ تاب ھم کت آھودا آئی ءَ نیوز، کرنٹ افیئرز ءِ پروگرام آنی ھوالگ ءَ سرپد کنگ بوت۔
