اسلام آباد۔ 05جولائی (اے پی پی) وزیراعظم عمران خان اسہ دے ئی دورہ غا دوشنبے نادے آ گوادر آ سرمس۔ وزیراعظم میڈیا آفس آن جاری بیان نا رداٹ وزیراعظم ءِ بلوچستان آ حکومت نا خاص چکار نا ویژن نا رداٹ تاریخی سویلی بلوچستان شونداری پیکج آ پیش رفت نا بابت سرجم حوال تننگک۔ داکان بیدس وزیراعظم گوادر فری زون، ایکسپو سینٹر و ایگریکلچرل انڈسٹریل پارک اتون اوار اوار مسہ فیکٹری تا بناءِ کیک۔ دود اٹی گوادر اٹی دیر و بجلی نا ویل آتا ایسری کن سولرائزیشن و ڈی سلینیشن پلانٹ نا معاہدہ غاتیا دستخط ہم مریک۔ داوخت آ وزیراعظم، درملکی سفیر، زرکار و چینی ورکرآتیان تران کیک۔ وزیراعظم اوکان پد ہندی سرکڑدہ، طالب علم و کاروباری شخصیت آتیان ہم تران کیک۔
