اسلام آباد۔ 05جولائی (اے پی پی) صدر مملکت ڈاکٹر عارف علوی پاکستان و ترکی نا نیام اٹ دفاعی تعلقداری نا مون آ دننگ اٹ اہم کڑد ادا کننگ آ ترکی نا زمینی فوج انا کمانڈر جنرل امیت دندار ءِ نشان امتیاز اس تس۔ دابابت خصوصی دود دوشنبے نادے آ ایوان صدر اٹی مس۔ دود اٹی بڑزکو فوجی و سول کمامدارآک بشخ ہلکر۔ جنرل امیت دندار نیٹو، اوغانستان اٹی کمانڈر تون اوار ترکی نا فوج اٹی اہم عہدہ غاتیا رہینگانے۔ اوہڑتوم آ سنگت ملک پاکستان و ترکی نا سلہہ بندفوج آتا نیام اٹ دفاعی کمکاری ءِ سوگو کننگ و مون آ دننگ اٹ اہم ءُ کڑد اس ادا کرے۔
