لاہور۔ 05جولائی (اے پی پی) وزیر مملکت حوالکاری و شینکاری فرخ حبیب پارینے کہ عمران خان نا ڈکشنری ٹی بلیک میل نا لوز اف، ہراامریکہ ءِ ”نہ“ کننگ کیک اودے ہچ ءُ واک اس بلیک میل کننگ کپک، ہراپی ڈی ایم نا ہیت ءِ کین، اسٹ جلسہ والا وایلو نت دوتیا تموک آءِ، اسحاق ڈار شریف خاہوت نا پیسہ غاتے ودفنگ نا زرگزران ءِ ہلسا شاہد خاقان عباسی نا جہاز اٹ نرا، فضل الرحمان نا ویل ایزی لوڈءِ، اودے مسترد کرینو، پاکستان میڈیا ڈویلپمنٹ اتھارٹی آ کاریم کننگ انگ ءِ و دا چرجوئی ٹی غٹ اسٹیک ہولڈر آتون سلابت کننگ انگ ءِ، آئی ٹی این ای ٹی 10ءُ نیم ہزار درخواست بس، فیصلہ غاتا کچ بھاز کم ءِ، ن لیگ نا دور اٹ فیصل آباد ءِ ٹیکسٹائل نا قبرستان اس جوڑ کننگا، نن بجلی،گیس انا نہاد آتے کم کرین، انڈسٹری ءِ ریلیف تسن، اینو فیصل آباد اٹی غٹ بشخ آک شونداری نا کنڈآ ہِننگ ءُ، 2018ء ٹی ن لیگ 24ارب و اینو نن سروس آتون اوار ایکسپورٹ آتے 31ارب ڈالر اسکان ایسونن۔ ترسیلات زر داکان بیدس ءُ، الہ، الہ نا مسڑ نا ہراتم اسکان صلح مفک ہموتم اسکان کس اس نا چلینگپک۔ او دوشنبے نادے آ لاہور پریس کلب نا پروگرام میٹ دی پریس آن تران کریکہ۔ وزیر مملکت حوالکاری و شینکاری فرخ حبیب پارے کہ ہراتم ننے ملک ملا تو اوٹی جرمنی، فرانس، چین کون آ زرگزرانک ملتور، بیرہ 15دے انا ریزورساڑی ئس، عمران خان حالیت آتا سنجیدگی ءِ ہرسا چیلنج ءِ امنا کرے، جی ڈی پی یک و نیم درسد مننگ نا پیشن گوئی کننگاسس، ننا زرگزران 4درسد آٹے، ایکسپورٹ اٹ ریکارڈ ودکی مسنے۔ اوپارے کہ ن لیگ انا دور اٹ 2016آن 2018ء ٹی ترسیلات زر اٹی ودکی متو، 19ارب ڈالر آ منجمد ئس، ننا حکومت اٹ ترسیلات زر 29ارب ڈالر آن زیات مسنے۔ وزیر مملکت فرخ حبیب پارے کہ عمران خان ہمو وزیراعظم ءِ ہرا تینا فلیٹ ءِ سودا کرسا پیسہ غاتے پاکستان آ ایسونے، عمران خان آ کوویڈ۔ 19اٹی پورو لاک ڈاؤن نا پریشر ئس ولے او تینا حکمت عملی نا رداٹ باندات آتے چلیفے۔ اوپارے کہ سرسہب پاکستان پروگرام نا رداٹ 60لکھ خاہوت ءِ بڑزا ہرفنگ نا ڈٹ اتسا بسنے، 5لکھ روپئی کاروبار کن بے سود وام، اُرانا چھت اکن 20لکھ انا بے سود وام تننگک، 100ارب آن زیات نا کم کٹیا اُراتا درخواست دوئی مسنے، بینک آک 38ارب نا وام تے منظور کریر۔ اوپارے کہ وزارت حوالکاری و شینکاری نا اولیت آتے ٹی مچ آ ملک انا پریس کلب و صحافتی برادری تون رابطہ ءِ گچین کننگ ءِ، صحافی تا ویل آتا ایسر ی کن کڑد ادا کروئی ءِ، بھاز انگا ہندن ءُ علاقہ اریر ہراڑے صحافی تے ہاؤسنگ نا ڈٹ آتے ٹی اوار کننگتنے، اوڑآ چکار کرینن، کوشست ءِ کہ ایل ڈی اے سٹی فیز ٹو اٹ ہرافتے مہالو پلاٹ ملتو اوفتا کوٹہ ءِ جتا کین۔ حکومت ہیلتھ کارڈ اکن 60ارب روپئی جتا کرینے، داٹی صحافتی برادری ءِ ہم اوار کننگک۔ اوپارے کہ وزارت حوالکاری و شینکاری و پریس کلب نا زیل و سُو انا تعلق ءِ، پریس کلب ننا تینا اُراءِ، ننے داجاگہ غا سرکننگ اٹ داتاریخی پریس کلب نا بھلو کڑد اسے، پنجاب یونیورسٹی آن اسٹوڈنٹ پولیٹیکس نا بناءِ کرین۔ اوپارے کہ الس نا بنداوی ویل آتے ایسر کننگ اُن، سینٹرل بزنس ڈسٹرکٹ جوڑ کننگ اُن، نالہ لئی آ ایکسپریس وے جوڑ کننگ اُن، پنجاب نا غٹ آبادی تا ہیلتھ انشورنس ءِ کننگ والا اُن، کے پی کے ٹی ہیلتھ کارڈ آن بھلو کچ اسے ٹی مخلوق فائدہ ہرفینو۔ وزیر مملکت فرخ حبیب پارے کہ نیشنل ایگریکلچر ٹرانسفرمیشن پلان اس ایسونن، مستین اٹ کنوئی آ تیل، دال تے پیشن آن خواہفنگ اُن ولے داپلان آن دارداٹ کمک رسینگک۔ کشت وکشار آن خور پروگرام اسکان پیدوار ءِ ودفنہ، اولیکو وار گنڈیری نا بزغرآتے 100ارب ودکی ملانے، زیتون نا پیدوار کن اسہ ارب روپئی بجٹ اٹ جتا کننگانے۔ اوپارے کہ جہانی کہول آ کبینی تدوک آ 10سال انا ریکارڈ ءِ پرغانے ولے ننا کوشست آتیان دا کبینی نا زیات اثرپاکستان نا الس آ تمیتو۔ اوپارے کہ یک و نیم سال اٹی مہمند ڈیم آ 35درسد کاریم پورو مسنے۔ داسوڈیم، دیامربھاشاڈیم4500میگاواٹ نا ڈٹ ءِ، 13ملین ایکڑ فٹ دیر کوڑی، بروک آ 10سال اٹی اسہ کروڑ 30لکھ ایکڑ ڈغار سیراب مریک، اپوزیشن چنائی آ سیاست آن پیش مرسا حقیقت نا سیاست کے۔ اوپارے کہ وزیراعظم پارلیمنٹ اٹ سلسا اوفتے گچین کاری اصلاحات آ سلہ خلک، اگہ داسہ ہم اوفک بفسہ تو دانا مطلب ءِ کہ دُز انا ریش آ کک ءِ۔ اوپارے کہ وزیراعظم الس تون ہراقول آتے کرے اوفتے پورو کیک، بروک آ وخت کارکڑد انا بنداو آ الس نا کنڈآ کانہ۔
