راولپنڈی۔ 05جولائی (اے پی پی)کارگل جنگ انا ہیرو کیپٹن کرنل شیرخان نشان حیدر نا بیست ءُ دومی شہیدی دے ءِ 5جولائی آ شان و شرف اٹ اڈتننگا۔ پاک فوج انا شعبہ تعلقات عامہ نا رداٹ کارگل نا پڑآ بے مٹ جیرت و نرزوری اٹ وطن عزیز نا دفاع ءِ کرسا شہیدی نا جام ءِ نوش کروک آ کیپٹن کرنل شیرخان نشان حیدر نا بیست ءُ دو می شہیدی دے آ مچ آ قوم اودے خراج عقیدت پیش کیک۔ کیپٹن کرنل شیرخان نا تعلق صوابی خیبرپختونخواغان ئس، او 5جولائی 1999ء ٹی کارگل نا پڑ آ تینا دتراٹ تاریخ اس نوشتہ کرے، اومعرکہ کارگل اٹ بے مٹ نرزوری، جیرت و جوزہ نا درشانی ءِ کرے و وطن عزیز نا رکھ اکن تینا جان ءِ ندر کرے۔
