کوئٹہ۔ 05جولائی (اے پی پی) وزیراعلیٰ بلوچستان جام کمال خان گوادر آ سرمس۔ سرجم حوال آتا رداٹ وزیراعلیٰ بلوچستان جام کمال خان گوادر آ سرمس۔ وزیراعلیٰ نا گوادر آ سرمننگ آ چیف سیکرٹری بلوچستان مطہر نیاز رانا، کمشنر مکران شاہ عرفان غرشین و آئی جی پولیس بلوچستان اودے بخیر کریر، داوخت آ وزیراعلیٰ بلوچستان ءِ گوادر ڈویلپمنٹ اتھارٹی نا کمامدارآتا کنڈآ ن حوال تننگا۔ صوبائی وزیر آک، چیف سیکرٹری بلوچستان تون اوار ایلو بڑزکو کمامدارآک حوال اٹی بشخ ہلکر، وزیراعلیٰ ءِ گوادر اٹ دیر انا ویل آتا ایسری، گوادر اولڈ ٹاؤن نا بحالی و ایلو اہم باندات آتیا سرجم حوال تننگا وزیراعلیٰ بلوچستان جام کمال خان گوادر فری زون، ایکسپو سینٹر و ایگریکلچرل انڈسٹریل پارک اتون اوار اوار مسہ فیکٹری تا بنائی دوداٹی ہم بشخ ہلیک۔
