اسلام آباد۔4جولائی (اے پی پی): بنجاھی وزیر ایوی ایشن غلام سرور خان ءَ گوشت کہ پاکستان انٹرنیشنل ائیر لائن (پی آئی اے ) ءِ 18 بالیگ گراب آنی وسیلگ ءَ ڈن ملک ءَ نندوکیں 6132 پاکستانی آناں وطن ءَ واتر آرگ ءِ واستہ دو شمبے ءَ 5 جولائی ءَ چہ فلائیٹ آپریشن بندات بیت۔ یک شمبے ءِ رو چ ءَ ادا میڈیا ءَ گوں تعران کنان ءَ بنجاھی وزیر ءَ گوشت کہ ڈن ملک ءَ نندوکیں پاکستنانی مزن وزیر عمران خان ءِ ڈل ءِ نزیک ءَ انت ءُ آئی ءَ ایوی ایشن ڈویژن ءَ را پنت ءُ شون کتگ کہ آ آوانی ڈکھ ءُ اندوھ آں زانت آوانی وطن ءَ واتری ءِ واستہ زوتیں رد ءَ انتظامی بکنت۔ آئیءَ گوشت کہ دبئی، دوحہ، شارجہ ءُ بحرین ءَ چہ 6132 ڈن ملک ءَ نندوکیں پاکستانی آناں وطن ءَ واتر آرگ ءِ واستہ سی اے اے ءُ پی آئی اے 18 ھاسیں بالیگ گراب آنی آپریشن بندات کنگ ءَ انت۔ آئی ءَ گوشت کہ متحدہ عرب امارات ءِ واستہ فلائٹ آپریشن دو شمبے ءَ بندات بیت ءُ 10 بالیگ گراب آنی وسیلگ ءَ پستگیں 3394 مسافر آناں وطن ءَ واپس رسینگ بیت۔
