اسلام آباد۔4جولائی (اے پی پی): مزن وزیر ءِ ھاسیں کمکار برائے وردن ءُ وراک ءِ رکھینوک جمشید اقبال چیمہ ءَ گوشت کہ حکومت ءَ کشت ءُ کشار ءِ دیمروئی ءِ واستہ دھکان ، سبزکرائیبر ءُ کشت ءُ کشاری شوبگ ءَ ھوار توامیں شریکدار آنی سیت ءِ رد ءَ آیوکیں باندات ءَ پہ کار کتگ، اے رد ءَ ایگریکلچرل ٹرانسفارمیشن پلان نوکیں ٹیکنالوجی ءَ را کارمرد کنان ءَ کشت ءُ کشار ءِ پڑ ءَ دیمروئی در جنگ ءُ درآمدی وردن ءُ وراکی سامان آنی بڈو بوھگ ءَ را کم کنان ءَ کشت ءُ کشار ءِ پیداور ءِ تہ ءَ گیشی ، دھکان آنی رکھینگ کلیتی منصوبگ ات۔ لائیو سٹاک ءِ شوبگ ءَ را نوکیں زمانگ ءِ گوما ھمگام کنگ ءِ واستہ توامیں کار کنگ ءَ آں، کشت ءُ کشار ءِ شوبگ ءَ پٹ ءُ پولی چست ءُ ایر آنی دیمروئی ءِ واستہ 10 ارب کلدار گیشینگ بوتگ، دھکان آنی آسراتی ءِ واستہ سرجمیں ملک ءَ ایگریکلچر مالز برجا کناں ایشی ءِ واستہ حکومت مالی کمک پجاری کنت، کوشست بیت کہ 22 کروڑ ایکڑ زمین گیشاں چہ گیش دمگ ءَ را سرسبز ءُ شاتاپ جوڑ کنگ بیت، یک ایکڑ پیداور ءِ تہ ءَ گیشی ءِ واستہ نوکیں ٹیکنالوجی ءَ را دیمروئی دیگ ءَ آں۔ اے ھیالانی درشانی آءیءَ ھاسیں گلگدارے ءِ ساھت ءَ کت۔
