اسلام آباد۔4جولائی (اے پی پی):صدر مملکت ڈاکٹر عارف علوی ءَ فیصل آباد الیکٹرک سپلائی کمپنی ءِ مزور آنی نیمگ ءَ وتی ابنارملیں زھگ ءِ واستہ ھمک ماھی گہبودی گرانٹ رسگ ءَ مھتل بوھگ ءِ پد ءَ ایشرا سک باز گیر زمہ واری رویہ نامینان ءَ فیسکو ءِ مزور ءِ ھلاپ ءَ اپیل ءَ را رد کت۔ صدر ءِ مملکت ڈاکٹر عارف علوی ءَ فیسکو ءِ مزور آنی نیمگ ءَ رستگیں شکاست آنی ھوالگ ءَ حکم ءِ تہ ءَ نبشتہ کتگ کہ اے جیڈھ ءَ را گیوار کنگ ءِ کوشست ءِ مٹ ءَ ایشی ءَ مھتلی بہانہ کنگ بوھگ ءَ انت۔ سرکاری ادرگ آناں چاگرد ءِ بزگریں مردم آنی واستہ یکوئی ءِ درشان کنگ لوٹ ایت۔ فیسکو ءِ ریٹائرڈ مزور ریاض حسین ءَ وتی ابنارملیں زھگ ءِ واستہ ھمک ماہ گہبودی گرانٹ ءِ واستہ بازیں رند ءَ وتی محکمہ ءَ را دستبندی کتگ بوتگ، اے دزبندی ءَ را پد ءُ رند کنگ بوت کتگ پدا ھم ایشرا اچ رنگیں کمک پجاری کنگ نہ بوتگ، اے جاور ھال آں چہ مایوس بوھان ءَ 24 دسمبر 2020 ءَ شکاست کنوک ءَ بنجاھی “محتسب ادارگ” ءَ گوں نزیکین کتگ، اے رد ءَ فیسکو ءَ چہ توامیں کاگد آناں لوٹ کنگ بوتگ ءُ پنت ءُ شون کنگ بوت کہ یک ماھے ءِ اندر ءَ جیڈھ ءَ را گیوار کنگ بہ بیت پدا ھم وتی زمہ واری پیلو کنگ ءِ مٹ ءَ فیسکو ءَ بنجاھی محتسب ءِ حکم ءَ را صدر ءِ مملکت ءِ کرا چیلنج کت ایشی ءِ پد ءَ صدر ءِ مملکت ءَ وتی پیسلہ ءَ نبشتہ کت کہ فیسکو ءِ بدانتظامی ءِ سبب ءَ شکاست کنوک ءِ شکاست ءِ پیلوئی بوت نہ کنت۔ اے بابت ءَ فیسکو ءَ دستبندی ءِ پد ءَ بنجاھی محتسب ءِ نیمگ ءَ ریکاٹ آنی پٹ ءُ پول ءُ پریک آنی گوما گپ ءُ تران ءِ بنیات ءَ رد کنگ بوتگ، حکومت ءِ پنجاپ ءِ ڈاکٹرز ءُ میڈیکل بورڈ ءِ نیمگ ءَ اے گپ ءِ تسدیک کنگ بوتگ کہ شکاست کنوک ءِ زھگ وتی پیدائش ءَ چہ ابنارملی ءِ آماچ انت۔ فیسکو ءَ ایشی ءَ پد صدر ءِ مملکت ءِ کرا دستبندی جم کت ایش آئی ءَ اے بنیات ءَ رد کت کہ ایش نااہل ءُ وھد ءِ زیاہ انت۔
