ننکانہ صاحب۔4جولائی (اے پی پی): بنجاھی وزیر منشیات ءِ گر ءُ دار کنوک بریگیڈئیر (ر) پیر اعجاز احمد شاہ ءَ گوشت کہ بابا گورونانک انٹرنیشنل یونیورسٹی 8 ارب ءِ کساس ءَ چہ سرجم کنگ بیت، یونیورسٹٰ ءِ فیز 1 دو ارب پانزدھ کروڑ ءَ چہ سرجم بیت، یونیورسٹی جوڑ کنگ ءَ چہ دمگ ءِ دیمروئی ءُ وشھالی کئیت، زالبول آناں زانشتکار جوڑ کنگ سک باز المی انت، ضلعی انتظامیہ ءَ یونیورسٹی ءِ واستہ 107 ایکڑ زمین ھاموشی ءِ سر ءَ دزگیر کتگ۔ اے ھیالانی درشانی آئی ءَ بابا گرونانک انترنیشنل یونیورسٹی ءِ اکیڈمیک بلاک ءِ بنگیج ءِ ھوالگ ءَ برجم داشتگیں دیوان ءَ گوں گشتانک دیان ءَ کت۔ اے موہ ءِ سر ءَ ڈپٹی کمشنر ننکانہ صاحب راجہ منصور احمد، ڈسٹرکٹ پولیس آفیسر کیپٹن (ر) بلال افتخار کیانی، اسسٹنٹ کمشنر ننکانہ صاحب صولت حیات وٹو، ڈپٹی ڈائریکٹر ڈویلپمنٹ طارق ڈھلوں، صدر ڈسٹرکٹ بار ایسوسی ایشن ننکانہ صاحب رائے قاسم علی، جنرل سیکرٹری ڈسٹرکٹ بار ایسوسی ایشن چوہدری اسد گجر ءَ ھوار سیاسی ءُ چاگردی سروک آں ابید دمگ ءِ ایندگر مردم آنی بازیں کساس ءِ اے موہ ءِ سر ءَ ساڑی اتنت۔ بنجاھی وزیر منشیات ءِ گر ءُ دار کنوک برگیڈیئر (ر) پیر اعجاز احمد شاہ ءَ بابت گوروناننک یونیورسٹٰ ءِ اکیڈمیک بلاک ءِ بن ھشت ایر کنگ ءِ ساھت ءَ تران کت ءُ گوشت کہ اللہ پاک ءِ نیمگ ءَ یونیورسٹی یک ٹیکی اِت، ننکانہ صاحب ءِ الس ءِ واستہ ، بابا گرونانک یونیورسٹی ءِ سرجمیں فنڈنگ پاکستان گورنمنٹ کنگ ءَ انت۔
