کوئٹہ۔ 02جولائی (اے پی پی) گورنر بلوچستان امان اللہ خان یاسین زئی تون بنجائی وزیر نجکاری محمد میاں سومرو اوڑدہی کرے، اوڑدہی ٹی ملک و صوبہ نا جم اٹنگا حالیت بلوچستان اٹی زرکاری نا گمان، پرائیویٹائزیشن و ڈیہہ ٹی پیش بروک آ بدلی تیا گپ وتران کننگا۔ صوبہ بلوچستان اٹی انٹرنیشنل و نیشنل زرکارآتے کن زرکاری نا بھلو وارخواہی اس ساڑی ءِ نئے بیرہ سینٹرل ایشیااسکان کسر فراوان کننگ کیک بلکن داڑے ہمسایہ ملک آتا واپاری منڈی تسکان رسینگ نا ہم روشنا گمان ارے۔ گورنر یاسین زئی پارے کہ غٹ زرگزرانی و معاشرتی سرجزآتے ٹی ورناتا بشخ ہلنگ و اوار مننگ ءِ پالیسی جوڑ کننگ نا المی بشخ کننگ وخت انا اہم ءُ گرج اسے۔ گورنریاسین زئی مستی پارے کہ ننے صوبہ ٹی فنی و تکنیکی ادارہ غاتا فعالیت و تینا پوسکن آ چین ءِ پوسکن آ مہارت ہیل تننگ آ پبی چکار کروئی مریک۔ ہڑتوم آ راہشونک بنجا و صوبہ غاتا نیام اٹ خوشگوار تعلقداری جوڑ کننگ و تین پہ تینی تعلقداری تے سوگو کننگ کن پین گام گیج کننگ آ امنا کننگا۔
