اسلام آباد۔ 02جولائی (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ پی ایس ایل نا وڑآ ہاکی لیگ و باکسنگ لیگ ہم بایدے مرے، ورناتے ٹی مثبت سرجزآتا مون آ دننگ کن گوازی تا بشخ اٹ زرکاری نا گرج ءِ، ننے ورناتے گوازی تا کنڈآ اتنگ کن گام گیج کننگ نا گرج ءِ۔ داخیال آتا درشانی ءِ او جمعہ نادے آ اسپورٹس جرنلسٹس نا دے انا بابت اڈ ہلوک آ دود آن تران کرسا کرے۔ شہباز گل پارے کہ پی ایس ایل آن ملک اٹ گوازی تا بشخ اٹ گچینی بسنے۔ ہاکی لیگ و باکسنگ لیگ ہم بایدے مرے۔ ملک اٹ گوازی تا سرجزآتا مون آ دننگ آن اسپورٹس جرنلسٹس ءِ لائخی تے نشان تننگ نا موقع ملک۔ اوپارے کہ ملک اٹ بھلا آبادی ورناتا ءِ۔ گوازی تا سرجزآتیان ورناتے ٹی مثبت عادت ءِ مون آ دننگک و اوتینا وخت ءِ زیان کننگ نا جاگہ غا دراخ جوڑ سرجزآتے ٹی بشخ ہلیرہ۔ اوپارے کہ منظم ڈٹ بندی آن ورناتا لائخی تیان فائدہ ہرفنگ مریک۔ ورناتے ٹی مثبت سرجزآتا مون آ دننگ کن گوازی تا بشخ اٹ زرکاری نا گرج ءِ۔ ننے ورناتے گوازی تا کنڈآ اتنگ کن گام گیج کننگ نا گرج ءِ۔ اوپارے کہ اسپورٹس جرنلسٹس گوازی تا بابت غٹ معلومداری تیان آگاہی فراوان کیک۔ ہرراج اکن دودوربیدگ و گوازی تا مون آ دننگ بھازاہمیت تخک۔ میڈیاءِ راجی ویل آتے تالان کننگ آ چکار کننگ نا گرج ءِ۔ میڈیا راج اٹ غلط گمانی تا ازالہ ٹی اہم ءُ کڑد اس ادا کننگ کیک۔ ہراکہ گوازی ارے ننا زند انا اہم ءُ بشخ اسے ءُ۔ داڑآن ذہنی و جونی نشوونما ٹی کمک ملک۔ داڑآن کٹنگ و باتننگ نا بارواٹ ہیل کننگ مریک۔
