اسلام آباد۔ 02جولائی (اے پی پی) وزیر مملکت حوالکاری و شینکاری فرخ حبیب پارینے کہ وزیراعظم عمران خان سپورٹس مین نا وڑاٹ تینا کیریئر نا بناءِ کرے، کرکٹ نا دنیا ٹی عمران خان ”ٹاپ لیجنڈ“ نا وڑاٹ چاہنگک و یوتھ انا آئیڈیل ءِ، صوبہ غاتون اواری اٹ ملک گیر کہول آ گوازی تا سرجزاڈتننگک دارداٹ سلابت نا عمل برجاءِ۔ اوجمعہ نادے آ ورلڈ سپورٹس دے انا بابت راولپنڈی اسلام آباد اسپورٹس جرنلسٹس ایسوسی ایشن نا کنڈآن اڈہلوک آ دود آن تران کریکہ۔ خصوصی کمکار سیاسی ابلاغ شہباز گل، چندی گوازی تا پنی آ گوازی گر و سپورٹس جرنلسٹ آتا بھلو کچ اس دود اٹی ساڑی ئسر۔ راولپنڈی اسلام آباد اسپورٹس جرنلسٹس ایسوسی ایشن نا صدر شاکر عباسی سپورٹس جرنلسٹس ءِ مون تروک ویل آتیان معلومدار کرے۔ وزیر مملکت حوالکاری و شینکاری فرخ حبیب پارے کہ ٹی وی چینل آتا نشریات و اخبارآتے ٹی خاص جاگہ نا دوئی کننگ ءِ پک کننگک، صحافی چائے گوازی تا سرجزآتا کوریج کروک آ مرے یا پین بشخ اسے نا بیٹ رپورٹر مرے اوفتا ویل آک اسہ وڑءُ۔ اوپارے کہ وزیراعظم عمران خان و اونا ٹیم صحافی تا ویل آتیان معلومدار ءِ، اوفتا ایسری ننا اولیت آتے ٹی اوار ءِ۔ اوپارے کہ ننا راج اٹ ہڑدے ئی زند ہندن جوڑ مریک ہراانٹرٹینمنٹ نا جاگہ غا ٹیشن مریک۔ گوازی و آب اٹ سرجزآتا کمک اٹ نن تینا فٹنس ءِ برقرار تخنگ کینہ۔ دود انا ایسر آ ورلڈ سپورٹس ڈے انا رداٹ وزیر مملکت فرخ اتون اوار سپورٹس جرنلسٹس نا کیک اس ہم کاٹ کرے۔
