اسلام آباد۔ 02جولائی (اے پی پی) وزیراعظم عمران خان پارینے کہ تدوک آ مالی سال اٹی تخوک آ ہدف آن زیات و 4732ارب روپئی نا تاریخی خراج وصولی نا دروشم اٹ ایف بی آر نا کارکڑد ننا حکومت نا پالیسی تا نتیجہ ٹی ودی مروک آ پائیدار اقتصادی بحالی نا شاہدی ءِ۔ جمعہ نادے آ تینا ٹویٹ اٹی اوپارے کہ مالی سال 2020-21ء ٹی 4732ارب روپئی نا خراج وصولی تخوک آ ہدف 4691ارب روپئی آن 18درسد زیاتءِ۔ داچرجوئی ٹی ایف بی آر نا کوشست آک سفت نا قابل ءُ۔ وزیراعظم پارے کہ داکارکڑد ننا حکومت نا پالیسی تا نتیجہ ٹی ودی مروک آ پائیدار اقتصادی بحالی نا شاہدی ءِ۔
